餃掂手工餃子雲吞專門店

營業中

休息中

經過灣仔電車路，見到門口放咗好多明星名人嘅相，又標榜手工餃子，一查之下發現呢間餐廳原來都幾出名，餐廳牆壁上亦掛上天下第一餃的牌匾，便試吓。龍鳳松茸餃跟狀元九鼎湯係呢度出名嘅特色餃子之一，狀元九鼎湯似係老火湯，味道濃郁，唔會太鹹應該冇落味精。咬開餃子感覺震震松茸香氣湧上嚟，呢個配搭做餃子都幾特別。元貝豬肉煎餃，外皮煎得脆及保持到餃子內的湯汁，食落有少少蝦乾味，零舍香口。壽喜燒牛肉餃標榜鮮牛肉，食落去牛肉嫩滑，有少少似山竹牛肉的口感及味道。韭菜豬肉餃係最傳統餃子之一，水準合格。雲吞湯麵，雲吞比餃子細隻一半size，但咬落肉質結實，一口一隻豪爽地食。龍鳳蛋配黑白松露醬，似日式半熟溜心蛋，黑松露醬比較香濃及夾。