餃掂手工餃子雲吞專門店

係灣仔約咗朋友又未夠鐘，等等下又有啲肚餓，不如搵嘢食，邊食邊等啦，自己一個食餃子都好喎，快脆又輕鬆。好，坐低睇下有咩好食先。至尊松茸豬肉餃，叫咗煎餃子，表面煎都金黃色，聞到好香，餃子皮夠薄，裡面餡料填滿滿，咬落去好香松茸味，個松茸味唔搶，食落好舒服。四川涼麵，麵底有辣油，上面有香脆花生，拌埋個麻醬，好開胃，天氣熱冇胃口食呢個啱晒。蜂蜜檸檬薏米水，食完煎餃子，飲個薏米水去濕下降火先。裡面有好多薏米，足料！