滿樂潮州 (東薈城名店倉)

營業中

休息中

東涌有一個大型商場，入面有好多outlet 舖頭，行街可以行一整天，但醫肚都好重要，所以去嘆個茶，再去行街。有好多人排隊，所以預早攞籌，行一陣，再返轉頭，時間就啱啱好喇。蠔仔粥呢個蠔仔粥超多料，除左又鮮又甜既蠔仔之外，仲有好惹味既冬菇肉碎，仲有好香既莞茜襯托，加上粥底好食，突顯潮州粥既味道滷水鵝、魷魚、滷水豆腐滷水鵝不瘦不肥，而且好入味，肉質有口感，魷魚好爽口，滷水豆腐味道剛剛好，整體呢盒滷水非常出色。蝦餃每粒蝦餃都好晶瑩剔透，大大粒，脹卜卜，蝦好爽口新鮮，味道很好水晶包第一道甜品非常好食，有豆沙餡，有蓮蓉餡，非常彈牙，為呢一餐畫上完美的句號。東涌呢個商場有好多不同食肆，但潮州酒樓就只有呢一間，而且味道好好，下次過黎都一定要再幫襯。