影片
更多
2023-03-01
334 瀏覽
The Upper Deck📍東涌怡東路9號灣景薈1樓101號舖呢日我同朋友專程去東涌睇櫻花同行outlet，估唔到櫻花樹又得一兩棵開得茂盛，行outlet又空手而回。好彩最後我呵發掘到呢間咁高質嘅扒房，望住個海景嘆下午茶，過下偽退休生活，真係正到爆！ 💰$78芝士通心粉 🧀🍲Mac & Cheese 聽就聽得多，喺香港嘅餐廳食真係第一次！呢一款比平時見到嘅Mac & Cheese睇落去嘅顏色淺啲，但芝士味極濃。佢用咗偏細粒嘅通心粉去整，加埋大量嘅白色芝士汁，重口味得嚟勁芝味，少少一盤已經食到我哋飽晒，推介！ 💰$78烤薯仔配煙肉酸忌廉 🥔🥓如果鍾意食焗薯，就一定唔可以錯過呢款烤薯仔配煙肉酸忌廉！佢嘅薯仔肉口感非一般咁正，淡淡嘅薯仔味配埋脆脆嘅煙肉粒同creamy嘅酸忌廉一齊食，真係食到一啖接一啖，停唔到口，我同朋友一致認為係今餐最好食嘅一道side dish！ 💰$198羊肉漢堡 🐑🍔我知佢哋嘅牛扒同牛肉漢堡好出名，但因為我唔食牛嘅關係，我揀咗我最鍾意嘅羊肉菜式嚟食！平時嘅漢堡店比較少會見到有用羊肉做嘅漢堡包，上到枱更加發現塊漢堡好似kebab嘅肉，滿滿嘅香料，偏黃偏綠嘅顏色。佢哋強
📍東涌怡東路9號灣景薈1樓101號舖
呢日我同朋友專程去東涌睇櫻花同行outlet，估唔到櫻花樹又得一兩棵開得茂盛，行outlet又空手而回。好彩最後我呵發掘到呢間咁高質嘅扒房，望住個海景嘆下午茶，過下偽退休生活，真係正到爆！
[價錢 Price]
💰$78
芝士通心粉 🧀🍲
Mac & Cheese 聽就聽得多，喺香港嘅餐廳食真係第一次！呢一款比平時見到嘅Mac & Cheese睇落去嘅顏色淺啲，但芝士味極濃。佢用咗偏細粒嘅通心粉去整，加埋大量嘅白色芝士汁，重口味得嚟勁芝味，少少一盤已經食到我哋飽晒，推介！
[價錢 Price]
💰$78
烤薯仔配煙肉酸忌廉 🥔🥓
如果鍾意食焗薯，就一定唔可以錯過呢款烤薯仔配煙肉酸忌廉！佢嘅薯仔肉口感非一般咁正，淡淡嘅薯仔味配埋脆脆嘅煙肉粒同creamy嘅酸忌廉一齊食，真係食到一啖接一啖，停唔到口，我同朋友一致認為係今餐最好食嘅一道side dish！
[價錢 Price]
💰$198
羊肉漢堡 🐑🍔
我知佢哋嘅牛扒同牛肉漢堡好出名，但因為我唔食牛嘅關係，我揀咗我最鍾意嘅羊肉菜式嚟食！平時嘅漢堡店比較少會見到有用羊肉做嘅漢堡包，上到枱更加發現塊漢堡好似kebab嘅肉，滿滿嘅香料，偏黃偏綠嘅顏色。佢哋強調塊漢堡係100%自家製嘅，個包仲夾咗生蕃茄片、生菜、洋蔥果醬，味道非常特別，賣相亦一流！
Side Fries有用chilli powder調味，條條金黃香脆，食到好重嘅薯仔味，而且仲有pickles，呢個burger set真係勁抵食！
張貼
