影片
更多
2025-03-20
51 瀏覽
寫返之前白色情人節嗰餐。估唔到，一間proper French，佢嘅畫碟先係天下無敵。Le Chefeteria我哋揀咗喺銅鑼灣嘅私房菜Le Chefeteria。呢間私房菜好特別，首先佢係喺住宅入邊，甚至係撳鐘先上到去，而且佢係只招待會員，亦額外顯得高貴。Le Chefeteria個chef本來係來自一間米芝蓮餐廳Azmi，主打法式 x 東南亞菜式。呢個$568/person嘅set，本來已經非常豐富，已經包埋茶啡。如果唔夠，仲可以加錢要個手工意粉，甚至每道菜都可以再加錢加配。Amuse Bouche檸檬汁醃菜三文魚，加上脆餅，開胃非常。龍蝦濃湯好明顯佢個龍蝦湯係特別濃，所以佢另外調配咗個檸檬汁喺面，可以撈埋落去飲，飲落去會好舒服。另外佢冇用忌廉，而係用椰子奶代替 (呢度嘅菜式都係盡量避開奶同忌廉)。蕃茄薄荷湯呢個用上四種蕃茄煮法去做嘅蕃茄薄荷湯，飲落有少少辣香。唔同嘅蕃茄亦都有唔同嘅角色。另外薄荷汁同basil oil亦對味道嘅層次有幫助。油封鴨腿、沾汁、米餅油封鴨腿以低溫煮至熟後再煎，所以唔會有好油膩嘅感覺。油封鴨嘅質地亦都好軟腍，襯上魚露檸檬汁，酸甜鹹兼備。至於個米餅其實係炸米
Le Chefeteria
我哋揀咗喺銅鑼灣嘅私房菜Le Chefeteria。呢間私房菜好特別，首先佢係喺住宅入邊，甚至係撳鐘先上到去，而且佢係只招待會員，亦額外顯得高貴。Le Chefeteria個chef本來係來自一間米芝蓮餐廳Azmi，主打法式 x 東南亞菜式。
呢個$568/person嘅set，本來已經非常豐富，已經包埋茶啡。如果唔夠，仲可以加錢要個手工意粉，甚至每道菜都可以再加錢加配。
Amuse Bouche
檸檬汁醃菜三文魚，加上脆餅，開胃非常。
龍蝦濃湯
好明顯佢個龍蝦湯係特別濃，所以佢另外調配咗個檸檬汁喺面，可以撈埋落去飲，飲落去會好舒服。另外佢冇用忌廉，而係用椰子奶代替 (呢度嘅菜式都係盡量避開奶同忌廉)。
蕃茄薄荷湯
呢個用上四種蕃茄煮法去做嘅蕃茄薄荷湯，飲落有少少辣香。唔同嘅蕃茄亦都有唔同嘅角色。另外薄荷汁同basil oil亦對味道嘅層次有幫助。
油封鴨腿、沾汁、米餅
油封鴨腿以低溫煮至熟後再煎，所以唔會有好油膩嘅感覺。油封鴨嘅質地亦都好軟腍，襯上魚露檸檬汁，酸甜鹹兼備。至於個米餅其實係炸米子。
港式黑椒汁紅酒燴牛膝手工意粉 (+$98)
呢個牛膝係以慢煮嘅方法去做，所以入口係異常軟腍，加埋呢個蘭王蛋做嘅手工意粉，煙煙韌韌，相當滋味。
4oz 煙燻阿根廷黑安格斯牛里脊
見到呢個幾乎冇脂肪嘅tenderloin，先知真正嘅medium rare係點樣。極重牛味，明顯煙燻過嘅味道，加上完全冇筋唔會韌嘅口感，好容易嚼，呢個真係極之出色。
西班牙杜洛克脆皮豬腩肉
絕對唔輸俾牛里脊嘅dish。極重油香味嘅豬腩，喺Kimchi Sauce嘅陪襯之下，既解膩，亦增加咗大量嘅味道。同樣地呢個薯蓉係冇用忌廉，而係用椰子油做出嚟。
紅蘿蔔蛋糕
用上幾種唔同嘅紅蘿蔔元素同啫喱，配埋檸檬雪糕，又唔會太甜，我幾欣賞。
香蕉飛餅
最後甜品嘅畫碟去咗呢度。難以置信嘅畫碟技巧，複雜嘅圖案設計同顏色配搭。幾乎可以話，呢個”龍貓”畫碟盡顯餐廳嘅誠意同技術。要注意公仔同字都需要事前溝通好。當然，香蕉飛餅同配搭嘅雪糕，都係好食。
咖啡/茶
呢度可以揀法國DAMMANN Frères (最高端嘅茶之一)，我哋試咗以花為主嘅Bali同以果為主嘅4 Fruit，香味俱非常突出，各有特色。
另外佢亦有炸芋頭片餐前享用，所以可以想像呢個係一個非常豐富嘅full course，就算佢上菜嘅時間啱啱好，都要預三個鐘先食得晒😂，不愧為正式嘅French！
張貼
