杏甜品 (豉油街) (已結業)

成日行旺角都想食下甜品，見到新開左間甜品叫杏甜品，上網見到原來尖沙咀都有分店，旺角個間就細啲，但都好滿人。入到去店員有講到佢地推薦木蓮凍系列，我地就試左芒椰木蓮凍。 芒椰木蓮凍我完全無諗過甘大碗，除左有木蓮凍仲有芒果冰，芒果果粒，四隻色小芋圓同椰果，色彩繽紛，好吸引~ 木蓮凍個口感好似仙草甘，食落都係超滑，木蓮凍本身無味，係靠個甜品湯底既味，但因為佢地舖頭主打既甜品都係低甜，天然，所以食晒成碗都唔覺得死甜。椰皇貓山皇燉雙皮奶雖然佢冇得揀熱食，但我為左貓山皇我就試試佢，第一啖一定係試左貓山皇冰先，佢真係真材實料，每啖都係一絲絲既榴連蓉真係估唔到，個椰皇原隻上，食完啲滑啫啫既雙皮奶之後仲可以食埋啲椰肉。