影片
更多
2023-05-02
669 瀏覽
👍🏻👍🏻打着大排檔嘅名號，小菜有鑊氣，而且環境乾淨企理，座位寬敞，更有霓虹燈營造氣氛！ 拔絲焦糖香燒脆腩仔出街食嘅宗旨，就係揀啲屋企唔會煮嘅菜式(⁎⁍̴̛ᴗ⁍̴̛⁎)佢嘅好多招牌菜我都食過，呢一碟燒腩仔真係每一次都翻桌，拔絲做得出色，帶有少少焦香嘅味道，入口脆身，燒腩仔肥瘦平均，口感特別爽嫩。兩者夾埋一齊別有風味。秘製香辣水煮花甲呢鍋水煮花甲顏色奪目，辣度十足，花甲大隻飽滿，份量唔少，更有豆卜、粉絲、芽菜、蘿蔔條索哂湯汁，越煲越麻，相當惹味！黃沙豬膶杞子浸時蔬奶白色嘅湯頭飲落清甜，有杞子又有紅棗，當日時菜揀咗白菜仔，火喉恰到好處，唔會太老。豬潤厚身粉嫩，小編大愛！豬油撈飯叫咗咁多小菜當然要有翻碗飯落肚。招牌豬油撈飯，豉油香蔥另上，米飯蒸得好香又唔會太過乾身。糖水楚撚記出晒名食完飯就有埋糖水送，綠豆沙清心丸清清唔會太甜，番薯糖水好足料，薑汁味濃，食完真係大滿足。諗唔到食咩？仲有二人餐四人餐幫到你
拔絲焦糖香燒脆腩仔
出街食嘅宗旨，就係揀啲屋企唔會煮嘅菜式(⁎⁍̴̛ᴗ⁍̴̛⁎)佢嘅好多招牌菜我都食過，呢一碟燒腩仔真係每一次都翻桌，拔絲做得出色，帶有少少焦香嘅味道，入口脆身，燒腩仔肥瘦平均，口感特別爽嫩。兩者夾埋一齊別有風味。
秘製香辣水煮花甲
呢鍋水煮花甲顏色奪目，辣度十足，花甲大隻飽滿，份量唔少，更有豆卜、粉絲、芽菜、蘿蔔條索哂湯汁，越煲越麻，相當惹味！
黃沙豬膶杞子浸時蔬
奶白色嘅湯頭飲落清甜，有杞子又有紅棗，當日時菜揀咗白菜仔，火喉恰到好處，唔會太老。豬潤厚身粉嫩，小編大愛！
豬油撈飯
叫咗咁多小菜當然要有翻碗飯落肚。招牌豬油撈飯，豉油香蔥另上，米飯蒸得好香又唔會太過乾身。
糖水
楚撚記出晒名食完飯就有埋糖水送，綠豆沙清心丸清清唔會太甜，番薯糖水好足料，薑汁味濃，食完真係大滿足。
諗唔到食咩？仲有二人餐四人餐幫到你
張貼
