五匠六釜

營業中

休息中

今日星期五12:15到達，見到門口有幾個人拎飛，我又跟住拎飛，但係見到裏便好多吉枱冇人坐，就覺得好奇怪。正打算去第二間食嘅時候，突然職員又叫飛，一叫就十幾廿張跟住就入得。我拎三人住，好開心諗住有位得食嘅時候，行到一半，個阿姨突然擰轉面，你依家兩個人咋喎！要齊人先入得，我話上緊黎我叫住嘢食先，佢趕返我出門口！😨因為趕時間，朋友就話唔上嚟食啦，有位就兩個食咗先。唔知仲以為去食放題😂 連隔籬枱啲人都話有咩理由咁安排，搞到個個嬲爆爆咁食飯，仲要一坐低杯水有人飲過，餐牌濕漉漉嘢食都幾大份，不過涼拌豬耳就冇味，酸菜魚薯粉都幾好食，加咗$16要鮮鱸魚，食落都幾新鮮，咕嚕肉配菜多個肉，味道正正常常。不過酸菜魚都等咗成45分鐘，食哂其他所有嘢先到，咁我唔明點解要齊人先可以入座！如果出餐出得快都話呀！又無人排隊又整得慢，午市時間點會同你慢慢坐喺度食嘢呀，你估你唔到酒店咩😂今時今日嘅服務態度死梗！見你一放低對筷子就問你係咪唔要，一餐問咗四次，本身仲諗住試佢嘅黃金南瓜，烤鴨，烤羊，依家唔使諗啦！