金子半之助 (利東街)

營業中

休息中

一向最喜歡熱氣食品，食完就覺得身體充滿能量。今日行過灣仔正要諗食咩午餐，本來想去食海南雞飯，但行過聞到天婦羅嘅香味就忍唔住入咗去。呢兩個禮拜啲人開始出返嚟食飯，唔多人，排咗3分鐘就可以入去。呢度嘅天丼只有三款，江戶前天丼係用星鰻，上天丼係用鱚魚，而天當就用菇，其他嘅大蝦、蔬菜、柚子墨魚餅、炸流心蛋都係冇分別嘅。今次食嘅係上天丼，已經叫咗小飯，但依然好多飯... 可能佢驚我食唔飽。呢個飯嘅重點係隻炸流心蛋，篤穿佢啲蛋汁咇到成個飯都係，日本蛋真係與別不同嘅。