日作食堂

營業中

休息中

嚟到一間門口已經好日系的餐廳，望到外圍的裝修，好似係滿滿的工廠大廈之間入左去另一個世界咁。行到入去，個裝修就更有驚喜，四周的座位擺設都係復古木色系，望落去成個感覺好舒服好和諧。日式西京燒比目魚定食 $168燒比目魚肉質嫩滑，每咬一啖都會有小小比目魚的油脂同香味伴隨住，食落好多汁，絕對唔會燒到乾哂！🤤西京燒的煮法一向帶有甜味，配搭魚味唔算太濃的比目魚非常夾！加上比目魚的皮燒成微焦，脆脆的皮連帶嫩滑魚肉，外脆內軟！非常好食！🤩定食包括2款前菜同麵豉湯，前菜係枝豆同涼拌牛蒡絲，味道係日式家常菜的感覺。麵豉湯內有蜆肉，豆卜同豆腐，蜆肉鮮甜但有小小沙，不過，唔知點解湯的味道偏甜，但佢唔係蜆肉帶出的鮮甜，所以有小小奇怪，唔太合口味。