影片
更多
2025-02-26
318 瀏覽
尖沙咀出名多嘢食，最近見到有Foodie分享黑木亭居酒屋推出期間限定嘅「肉桂狗」主題餐單，我個Friend超鍾意，所以就帶佢嚟試吓啦💕🧡 松葉蟹芝士石鍋海鮮飯$279一上枱就俾佢震撼到！有完整一邊嘅松葉蟹擺喺飯面，芝士醬汁滿滿咁包住每粒飯，真係忍唔住流口水！燒過蟹，鮮甜度爆燈，仲有蝦、魷魚、帆立貝等多種海鮮配料，層次十足～🧡 A5宮崎和牛眼蓋塔 $238呢道菜用咗A5宮崎和牛，火候掌握得啱啱好，牛脂香氣濃郁，入口即化！加埋蛋黃同芝士汁，滑溜得嚟又帶啲濃郁感牛肉輕輕炙燒過，再配埋椰菜絲同木魚，食落有啲似大阪燒嘅感覺，仲可以蘸埋芝士醬，邪惡到極點，但真係好滿足！🧡 牛油蒜蓉燒日式元貝元貝係日本直送，燒到微焦，鎖住咗鮮甜嘅汁液，口感彈牙得嚟又帶啲嫩滑。牛油蒜蓉醬香氣十足，蒜味濃郁，食落勁香口，真係停唔到口！🧡 白身魚刺身$398 原價$569刺身好新鮮，魚肉晶瑩剔透，入口彈牙又鮮嫩。特別嘅係佢有三款醬汁可以揀：橄欖果醋、甜酸橙汁同芥辣醬油，每款都帶出唔同嘅風味，酸酸哋嘅醬汁更加突出魚肉嘅鮮味，份量仲好足~🧡 藍蝶花佛手柑熊茶$78呢杯飲品真係靚到唔捨得飲！藍蝶花同佛手柑調配出夢幻嘅紫黃色漸
🧡 松葉蟹芝士石鍋海鮮飯$279
一上枱就俾佢震撼到！有完整一邊嘅松葉蟹擺喺飯面，芝士醬汁滿滿咁包住每粒飯，真係忍唔住流口水！燒過蟹，鮮甜度爆燈，仲有蝦、魷魚、帆立貝等多種海鮮配料，層次十足～
🧡 A5宮崎和牛眼蓋塔 $238
呢道菜用咗A5宮崎和牛，火候掌握得啱啱好，牛脂香氣濃郁，入口即化！
加埋蛋黃同芝士汁，滑溜得嚟又帶啲濃郁感
牛肉輕輕炙燒過，再配埋椰菜絲同木魚，食落有啲似大阪燒嘅感覺，仲可以蘸埋芝士醬，邪惡到極點，但真係好滿足！
🧡 牛油蒜蓉燒日式元貝
元貝係日本直送，燒到微焦，鎖住咗鮮甜嘅汁液，口感彈牙得嚟又帶啲嫩滑。牛油蒜蓉醬香氣十足，蒜味濃郁，食落勁香口，真係停唔到口！
🧡 白身魚刺身$398 原價$569
刺身好新鮮，魚肉晶瑩剔透，入口彈牙又鮮嫩。特別嘅係佢有三款醬汁可以揀：橄欖果醋、甜酸橙汁同芥辣醬油，每款都帶出唔同嘅風味，酸酸哋嘅醬汁更加突出魚肉嘅鮮味，份量仲好足~
🧡 藍蝶花佛手柑熊茶$78
呢杯飲品真係靚到唔捨得飲！藍蝶花同佛手柑調配出夢幻嘅紫黃色漸層，仲有熊仔形狀嘅冰塊，睇得又飲得。味道酸甜清爽，帶淡淡佛手柑香氣，好適合食完濃味嘢之後飲，解膩一流。
🧡 百香果荔枝梳打$68
百香果嘅酸甜同荔枝嘅清香完美結合，氣泡感十足，飲落好清爽，特別適合配搭濃郁嘅料理，平衡返味覺，令人胃口大開！
張貼
