金西南米線

營業中

休息中

話説我同朋友第一次去食，入到去枱又細，又要同人搭枱，咁都算啦。跟住落單之後，唔知道個米線包埋飲品，唔小心另外落多咗杯嘢飲（奶茶），無對單，跟住呢個本身係我問題，但係當時都唔知道點解多咗杯嘢飲，啲服務姐姐就大聲講，同其他服務姐姐當住客人面前喺度爭拗，令我聽到唔係好舒服。跟住後來睇返張單，我先知自己另外叫多左，當然係我問題。咁正常係幫我取消一杯，但係佢同我講，因為已經沖咗，落左單，最後係我問題，我係飲兩杯奶茶。。。叫多左不是問題，但係對姐姐既處理感到無奈同埋有啲唔係真係為客人處境而考慮。當然中立啲講，有一位服務姐姐好有禮貌。另外，米線係大份，味道有好多米線鋪都有差唔多水準，個人認為不值得要排隊去食。。。😭😭