海言どんぶり専門店

營業中

休息中

有朋友既同事介紹話好食😋，朋友就吹雞訂咗4位仲要信用卡💳落訂，我之前都唔知咁難book咁受歡迎👏。咁啱有車就門口落，門口有樓梯落一層，入到去窄長，左邊係bar枱，其餘地方係table枱，坐得有d逼。睇menu諗咗一陣，最後4個都叫海言厨師發辦魚生飯（特上），有15款刺身，特上同上差$50就差3款刺身，我同侍應講走薑、走醋青魚同沙律🥗走汁。首先上菜既係沙律🥗同蒸蛋仲有刺身豉油，沙律🥗新鮮，蒸蛋好滑。之後上丼飯，好震撼，海言厨師發辦魚生飯（特上），第一☝️次食咁豐富既海鮮丼，有15種刺身，包括海膽、三文魚子、燒白子、鮟鱇魚肝、鱈場蟹、中吞拿、大吞拿、白身魚、北寄貝等，所有都好新鮮，平時我少食飯都覺得送飯好食🤤後來有小插曲，我同朋友都唔食醋青魚，所以我地兩碗同另外兩個朋友不一樣，佢地有秋刀魚，我地冇，但我朋友其實都想食秋刀魚，所以同職員理論，最後補咗4塊秋刀魚刺身俾我地，賺咗。之後上面豉湯，ok。最後結論，值推。