影片
更多
2017-05-05
451 瀏覽
是日放假日，又係時候帶屈小姐出動食好西啦！今次既目標係⋯荃灣區極具人氣既《老闆娘雲南米線》！事前賴生同屈小姐都分別做晒功課。賴生向住荃灣既同事取經，一早已經取得3樣重要情報⋯要早d去排隊，間野係酸辣湯底起家同埋⋯辣度比出面辣！而屈小姐就睇左Openrice，了解左有咩湯底同有咩餸出名！好在有多重情報既關係，賴生今日佔據左龍頭位置，等待屈小姐既蒞臨(其實係因為屈小姐遲左出門)，而屈小姐都係開舖前15分鐘趕到啦(終於)！由於我地一早決定好食乜，所以極快填好極快等入座食野順帶一提：真係要早d排同埋要比D耐性等，除左等入座，仲要等佢慢慢煮，因為佢係逐碗逐碗新鮮煮起，7個人7個人咁入 (雖然我地排頭位，但由聲稱開舖時間到真係有得食，都要等多7-8個字，可想而知條隊其他人⋯⋯)賴生之選：酸辣湯米線小辣 配 酸菜辣牛腩 & 雲醬豬軟骨 ⭐️⭐️⭐️⭐️⭐️(5星)黎得呢間野食，一定一定要食米線同試下個酸辣湯! 間野係酸辣湯起家，而舖頭寫明雲南米線⋯第一次尼梗係要試招牌野啦！米線：呢度既米線較出面既滑身同彈牙，一定要食呀！酸辣湯：同情報一樣，辣度係比出面辣，好彩賴生堅持叫小辣試下先，如果唔係都應該幾辛苦下⋯！
事前賴生同屈小姐都分別做晒功課。賴生向住荃灣既同事取經，一早已經取得3樣重要情報⋯要早d去排隊，間野係酸辣湯底起家同埋⋯辣度比出面辣！
而屈小姐就睇左Openrice，了解左有咩湯底同有咩餸出名！
好在有多重情報既關係，賴生今日佔據左龍頭位置，等待屈小姐既蒞臨(其實係因為屈小姐遲左出門)，而屈小姐都係開舖前15分鐘趕到啦(終於)！由於我地一早決定好食乜，所以極快填好極快等入座食野
順帶一提：真係要早d排同埋要比D耐性等，除左等入座，仲要等佢慢慢煮，因為佢係逐碗逐碗新鮮煮起，7個人7個人咁入 (雖然我地排頭位，但由聲稱開舖時間到真係有得食，都要等多7-8個字，可想而知條隊其他人⋯⋯)
酸菜辣牛腩雲醬豬軟骨酸辣米線
$52
62 瀏覽
0 讚好
0 留言
黎得呢間野食，一定一定要食米線同試下個酸辣湯! 間野係酸辣湯起家，而舖頭寫明雲南米線⋯第一次尼梗係要試招牌野啦！
米線：呢度既米線較出面既滑身同彈牙，一定要食呀！
酸辣湯：同情報一樣，辣度係比出面辣，好彩賴生堅持叫小辣試下先，如果唔係都應該幾辛苦下⋯！個酸辣湯真係酸味辣味都好出嫁！先酸後辣，唔會遮到任何一種味！呢間個酸辣湯真心出色
酸菜辣牛腩：$10有2大舊，炆得入味又夠淋！處理得好出色，牛肉既味道都好出！而且一D都唔肥不過就唔係好食到酸菜既味道
雲醬豬軟骨：一樣$10有2大舊，又係炆到勁淋既fd，軟骨位炆到一咬就碎，正！ 雲醬帶點甜同豬肉既味道好夾！比牛腩更出色！
蟲草花薑酒雞肉米線
$48
52 瀏覽
0 讚好
0 留言
屈小姐原本諗住呢個湯會好油，但黎到係勁清徹，而且味道係好清甜哦！酒精既味道揮發晒，留番落黎既只有酒既清甜，加上少少薑味！味道更好之外，感覺超健康！加埋毫不留手既蟲草花，雞絲，杞子同紅棗，超豐富! 雞絲仲好彈牙好滑，咬開一絲絲嫁，正如果薑酒味再濃啲就正爆啦！
屈小姐私心建議：連湯連蟲草花食，味道更好，口感亦更好
野菌腐皮卷
$10
21 瀏覽
0 讚好
0 留言
另一樣必食推介！$10有2條！淨係食個心機都值番晒！首先要炒香晒d菇同粟米，再包入腐皮拎去炸，工序都繁複，仲要落好多油先炸到呢！所以出街食就可以間中邪惡下既
而且呢，佢整得唔錯嫁，D菇同粟米都冇炸乾，仲好甜呀！佢只係將塊腐皮炸脆左，火喉控制得好好！
唯一只有一個缺點就係油（帶番個健康控頭盔先⋯）
招牌酥炸雞球
$10
39 瀏覽
0 讚好
0 留言
無論味道同口感，都係做到同個名一樣：酥炸！炸得酥香，雞肉又彈又滑，係出色既，$10有三大件，值得一試！
後記：估唔到我地收左咁多情報⋯都會計漏左1樣野⋯碗米線係超超超大碗呀⋯⋯連賴生食完都好好好飽！
雖然我地排第一加上假日營業時間寫12點，但到我地入去坐得同有野食既時間，已經係12點35左右，真心等得耐，仲未計你之前提早排隊既時間喎！好食係好食，但排咁耐的確要商榷下，夏天真係食唔到！
仲有呀⋯⋯舖內外都比較多蚊滋！
#朝聖成功
#排龍頭爽歪歪
#有個肯為你付出自己時間既另一半係最幸福架
#第一酸辣湯
#所有食物都好用心去煮
#如果要賴生再排隊，相信都係帶屈小姐去食先會
#為妳準備既幸福
張貼
