緣味小聚 (93WYS) (已改名) 查看

呢一間緣味小聚嘅點心真係聽過好多次，可以話係人氣嘅點心餐廳！夜晚而家做緊5小時任食嘅鮑魚海鮮蒸鍋，不過我今日要介紹嘅就係午市既點心🥟呢間餐廳嘅點心都好出名，今次就過咗嚟呢邊試吓！其中一個好深刻嘅就係呢度嘅鮮蝦餃皇，本身係一個好鍾意食蝦餃嘅人，呢度嘅蝦餃真係皮薄餡靚！煙銀嘅外皮，而且加埋入面嘅蝦肉好彈牙好爽滑！所以呢個蝦餃真係好好食！同平時出面嘅蝦餃好唔同👍🏻👍🏻另外仲試咗一款川味口水雞，呢個口水雞好大碟，而且口水雞嘅麻辣香味好香！而且呢個雞肉都好嫩滑，連埋啲雞皮一齊食，再加埋呢個麻辣嘅醬汁，真係好食到流晒口水！