緣味小聚 (93WYS)

兩個鐘嘅經典龍蝦海鮮蒸汽鍋餐，成個Set有新鮮龍蝦🦞、大大隻鮑魚🐚、蝦🦐同埋蠔，份量真係非常足夠，全部新鮮好味😋蒸汽鍋比較清淡啱埋小朋友，唔洗加調味料都已經夠晒鮮甜～🤤全程有餐廳員工幫手落料蒸海鮮，完全唔駛自己落手，估唔到咁好服務，讚👍呢個海鮮餐份量啱啱好，夠飽但唔會嘥嘢！最緊要餐廳做緊特價真係抵食！［龍蝦海鮮豐盛盤］🥢龍蝦🥢生蠔🥢鮑魚🥢生蝦🥢花甲🥢澳洲M5和牛🥢西班牙黑毛豬🥢牛肉球🥢有機蔬菜🥢流沙包🥢千層薑汁糕…查看更多

我老公因為睇左網上宣傳片而過黎食，第一環，海鮮，不過不失啦，第二環，開始叫肥牛食，完全係質素差，我俾左438過黎食但你俾既質素係60蚊佳寶肥牛質素我，我完全食唔到，之後我落單叫野食，完全甩晒單，無野食上，我叫左4,5次都係無野食，之後個侍應同我講唔好意思，就求其俾個雜菜盤俾我算數，體驗非常差，食物質素差，叫左好多次單都無野食，上次我寫左食評，openrice話有侮辱嘅成分，咁我唯有今次寫得無咁白啦，我唔會再去這間店舖食，亦希望大家唔好中招，切勿相信網上介紹短片…查看更多

緣味小聚，位於觀塘偉業街93號93WYS20樓。餐廳環境比較狹窄，我們點了大閘蟹龍蝦海鮮蒸氣鍋(150分鐘) $298位、升級任飲$152(4位) 、醬油連加一$192(4位) 。 每人有半隻龍蝦，還有鮑魚、生蠔、海蝦和蜆， 味道正常。 大閘蟹有公和乸兩款， 細細隻，但都有膏。 然後有蒸牛肉、豬肉、肉丸、蔬菜和甜品。 整體正常發揮，唔算突出。 🏷️溫馨提示～ 整個用餐體驗均屬個人分享意見， 只作參考😊。 緣味小聚 (93WYS)地址: 觀塘偉業街93號93WYS20樓…查看更多

地方細，環境差，服務員（尤其有位老男侍應）態度極差沒有禮貌，令人有種不好的感覺。重點是餐具有點破舊，食物份量少，半隻龍蝦，三隻極細隻大閘蟹（每隻不足二両半），一隻極細生蠔，一隻鮑魚，幾隻蜆，兩粒牛丸，兩塊豬肉片，幾塊肥牛，少量蔬菜，一件薑汁糕，一個奶皇包，沒有飲品。價錢$326一位，這個價錢可以選擇其他地方，而且環境極細極侷促，侍應成日走過來，想傾密偈都好難，他們只想你們快啲食完走，講真，去日式放題好過，不值一試，完！！！…查看更多

#打公仔 開飯除咗要填飽個肚，價錢其實都幾重要，而家求求其其食碗 #米線 加杯 #熱飲 都要七八十蚊埋單😅 對於月光族嘅 #小秘書 總算一個負擔😅😅 不過如果你對食同服務都冇乜要求、又唔介意 #速食文化 😅 星期一至五中午時段過嚟位於牛頭角嘅 緣味小聚hea 吓 #飲杯茶食個包，都算係 #平食之選 😅 星期一午餐特價時段六八折，八籠 #點心 加個 #蒜蓉蒸蝦陳村粉，我個5個人平分$60都唔使，呢個價錢大家聽起喺嚟應該都覺得幾吸引☺️ 食物質素唔算差，大大隻嘅 #蝦餃 同 #菜苗餃 餡料十足，#陳村粉 配埋啲 炸香咗嘅蒜蓉同蒸蝦一齊食，都幾惹味🤤 不過呢… 我勸大家千祈唔好食佢哋嘅 #口水雞，肉質入口實的的咁，似乎係雪咗好耐😅 我諗佢哋就算將貨就價要用 #雪雞 ，都可以處理得好少少😅😅 最終留低大半碟都無人問津，確實大嘥咗啲😅😅😅📍緣味小聚 (觀塘)偉業街93號93WYS20樓…查看更多