花楽 (北京道1號) (已結業)

北京道1號高層嘅餐廳全部都望到靚靚海景，花樂都唔例外。 原來依家逢星期三五六，佢哋仲會人彈結他唱歌，氣氛更加熱鬧！我哋今晚都食咗好多嘢。先食味醂魚干，味道濃郁，送酒一流。中華風燒賣壽司好搞笑，用蒸籠上枱，賣相特別！呢個壽司係用咗特製嘅燒賣皮包住飯同埋魚生，創意十足！我哋覺得呢度嘅壽司幾好，壽司八貫盛盒件件都啱食，最鍾意細細兜嘅蟹肉蟹膏配三文魚子壽司，好足料。未試過海膽天婦羅，今晚見到Menu有一於試吓。原來海膽味道都幾鮮甜👍然後就食咗幾串串燒，牛舌係必食推介😋😋😋 厚身又juicy~最後食埋日本燒牛肉石鍋飯，飽飽的。下次試吓lunch，更加抵食。