影片
更多
2025-03-30
0 瀏覽
除左味道，有時食飯嘅環境都好重要，如果可以望住個海景嘆茶簡直係超加分！呢間位於銅鑼灣中餐喺29樓，冇咩遮掩望住維港海景。因為星期六加上較遲Book枱，冇得坐窗邊位，但都離遠望到！🥢鐵板西班牙叉燒 $168💫9/10呢到比較特別係用鐵板上，每件叉燒都有另一番焦香。叉燒較厚身，食落超級啖啖肉。加上勁軟腍，唔洗點用口咬都得，肉同脂肪比例剛剛好，唔會太肥膩，有驚喜。叉燒底下仲有D黃豆，超級入味軟爛，我都忍唔住叫多碗飯黎餸！🥢脆皮鹽香雞 $298 💫8/10即叫即炸，雞皮超級薄脆，唔油膩。隻雞本身已醃左有咸味，雞皮同肉之間仲有層黃油脂肪，食落口感更好。雞肉都算係幾嫩滑，有雞味。🥢話梅汁蕃茄仔番石榴 $168 💫8/10呢個凍盤真係食落勁開胃，蕃茄仔已去皮，有話梅汁嘅酸甜，咬番去冰涼爆汁勁Juicy！另外我本身係超愛食番石榴，呢個簡直係開正我口味。成個菜式都係比較清爽，做前菜夠開胃，中段食又可以解膩。🥢蜜汁叉燒包 $58 💫8/10本身想叫酥皮菠蘿叉燒包，但太好賣已售罄。最後叫左普通叉燒包都好食。熱辣辣個包勁鬆軟，入面有叉燒餡料，仲食到一粒粒叉燒肉，好食！🥢生磨蛋白杏仁茶 $48 💫8.5/10鍾
除左味道，有時食飯嘅環境都好重要，如果可以望住個海景嘆茶簡直係超加分！呢間位於銅鑼灣中餐喺29樓，冇咩遮掩望住維港海景。因為星期六加上較遲Book枱，冇得坐窗邊位，但都離遠望到！
🥢鐵板西班牙叉燒 $168💫9/10呢到比較特別係用鐵板上，每件叉燒都有另一番焦香。叉燒較厚身，食落超級啖啖肉。加上勁軟腍，唔洗點用口咬都得，肉同脂肪比例剛剛好，唔會太肥膩，有驚喜。叉燒底下仲有D黃豆，超級入味軟爛，我都忍唔住叫多碗飯黎餸！
🥢脆皮鹽香雞 $298 💫8/10即叫即炸，雞皮超級薄脆，唔油膩。隻雞本身已醃左有咸味，雞皮同肉之間仲有層黃油脂肪，食落口感更好。雞肉都算係幾嫩滑，有雞味。
🥢話梅汁蕃茄仔番石榴 $168 💫8/10呢個凍盤真係食落勁開胃，蕃茄仔已去皮，有話梅汁嘅酸甜，咬番去冰涼爆汁勁Juicy！另外我本身係超愛食番石榴，呢個簡直係開正我口味。成個菜式都係比較清爽，做前菜夠開胃，中段食又可以解膩。
🥢蜜汁叉燒包 $58 💫8/10本身想叫酥皮菠蘿叉燒包，但太好賣已售罄。最後叫左普通叉燒包都好食。熱辣辣個包勁鬆軟，入面有叉燒餡料，仲食到一粒粒叉燒肉，好食！
🥢生磨蛋白杏仁茶 $48 💫8.5/10鍾意食中式糖水嘅我，每次都必點。杏仁茶勁香夠滑身，底部有蛋白，兩者加埋一齊食好夾。
🥢豬仔出浴奶凍 $58 💫8/10呢個真係超打卡甜，隻豬仔好搞笑，加上一個浴缸裝住，浸住D花奶。成件事好Q，如果有小朋友，一定喜歡。豬仔用芒果布甸整成，入面仲有芒果肉。
🌟總結：價錢以港島區仲要望住海景黎講幾抵食，侍應、經理招呼超好，不斷添茶、換骨碟，唔似一般茶樓要自己主動去追。 叉燒好好食，食完中午，已諗緊下次同屋企人黎食晚餐，望埋夜景！
張貼
