麵屋武蔵 武骨相傳 (朗豪坊)

營業中

休息中

之前同朋友去旅行嗰陣，朋友一路話好想食拉麵，所以今次就同佢一齊去咗朗豪坊食拉麵。我地叫左個拉麵套餐$138，有一碗拉麵、一份武藏餃子/武藏炸雞，同埋名為曙光嘅醬油果凍柑橘啫喱特飲。呢個拉麵套餐嘅拉麵湯底係用左豚肉、雞肉同埋魚介，叉燒亦都用上慢煮伊比利亞豬肉，加上自家煉製蝦油，味道層次豐富。連隻蛋都唔簡單，係用左紅酒漬溏心蛋，食落仲好流心。小食方面我地揀左武藏炸雞，外面香脆得黎，入面嘅雞肉好嫩滑，幾有驚喜。醬油果凍柑橘啫喱特飲入面有啲鹹鹹地嘅醬油果凍，有啲似海鹽嘅味道，配埋酸酸甜甜嘅柑橘啫喱，飲落鹹鹹甜甜，意想不到地幾夾。另外我地都叫左二刀流黑蒜豚骨拉麵，一次過食到豚角同埋叉燒，配埋香濃嘅黑蒜豚骨湯底，好惹味啊。仲叫左五輪燒餅，有唔少廣島蠔喺入面，充滿鮮味。飲多杯巨峰梳打，兩個人share咁多野食好滿足。