影片
更多
2023-06-19
665 瀏覽
睇食評唔好剩係睇標題，要睇埋內容午餐唔錯！可以用恆常價錢嘅一半就食到該店名物。食物上枱認真嘩然，唔知捧餐出嚟嘅店員有冇於心有愧呢，A3 size左右嘅餐盤，食物佔1/2都冇，可能服務費就係俾咗咁奢華嘅儀式感上面。香港人食飯最緊要有儀式感刺身飯同吉X家個碗大細一樣，魚肉同三星酒店自助餐質素冇乜分別，啲飯竟然係普通白飯哈哈，啱啦正宗刺身飯係應該白飯底，醋飯係旁門左道。碗飯用咗好耐好耐去品嘗，驚兩舊水一下子冇咗入去就緊係食炸物，叫咗豬柳！嘩！一見到以為近視深咗，舊豬柳仲細過同我食指+中指。師傅好有心機，就算咁微細一舊肉，都切開橫切面俾客人睇廚師功架，寒酸到不得了最勁係杯茶同飯後果，原來高質到另加$9㗎！店員仲好貼心介紹杯茶幫助開胃！真係掂！同12蚊店茶包差唔多味道！最後仲有幾粒西瓜俾你甜到入心，三星酒店西瓜比較鮮甜日本當地都唔敢咁搶錢，呢間鋪厲害，敢賺敢發達！最後經理咁打扮嘅男士問我認為食物質素如何，其實好好呀、一啲都唔差、完全冇問題！冇問題我去番食1/3價錢、份量多3倍、味道好食多一倍嘅吉月豕屋先啦好期待呢個鋪位下一手係咩食店
午餐唔錯！可以用恆常價錢嘅一半就食到該店名物。食物上枱認真嘩然，唔知捧餐出嚟嘅店員有冇於心有愧呢，A3 size左右嘅餐盤，食物佔1/2都冇，可能服務費就係俾咗咁奢華嘅儀式感上面。香港人食飯最緊要有儀式感
刺身飯同吉X家個碗大細一樣，魚肉同三星酒店自助餐質素冇乜分別，啲飯竟然係普通白飯哈哈，啱啦正宗刺身飯係應該白飯底，醋飯係旁門左道。碗飯用咗好耐好耐去品嘗，驚兩舊水一下子冇咗
入去就緊係食炸物，叫咗豬柳！嘩！一見到以為近視深咗，舊豬柳仲細過同我食指+中指。師傅好有心機，就算咁微細一舊肉，都切開橫切面俾客人睇廚師功架，寒酸到不得了
最勁係杯茶同飯後果，原來高質到另加$9㗎！店員仲好貼心介紹杯茶幫助開胃！真係掂！同12蚊店茶包差唔多味道！最後仲有幾粒西瓜俾你甜到入心，三星酒店西瓜比較鮮甜日本當地都唔敢咁搶錢，呢間鋪厲害，敢賺敢發達！
最後經理咁打扮嘅男士問我認為食物質素如何，其實好好呀、一啲都唔差、完全冇問題！冇問題我去番食1/3價錢、份量多3倍、味道好食多一倍嘅吉月豕屋先啦
好期待呢個鋪位下一手係咩食店
張貼