丼吉日式吉列豬排專門店 (朗豪坊)

營業中

休息中

加一over 200 一個lunch set。唔好食，唔會再食。店內不斷sell 餐券，但真係唔會再吃。豬排一般，唔特別有味道，角切壽司飯也不覺得新鮮好味，呢個價錢，可以有其他更好選擇

放工嚟到朗豪坊搵嘢食，見到丼吉日式吉列豬扒專門店，諗起好耐無食過，就入去搵個位置坐低了。呢度最出名當然係吉列豬扒，炸得香口之餘，亦保持肉汁，唔會炸到乾噌噌，好juicy😋😋除咗豬扒之外，其他炸物同樣出色，例如宮崎牛肉、帶子、廣島生蠔等等….今次冇叫豬扒，叫咗個吉列深海大蝦半北海道帶子定食，另外加多兩隻廣島蠔，好豐富嘅一餐🤭🤭不過今次啲帶子同大蝦炸得有少少乾，不過都好食嘅～～順帶一提，呢度嘅珍珠飯同埋日本椰菜絲係可以免費添食，當然要量力而為，食得幾多添幾多啦！

這間「丼吉」日式吉列豬扒店由銅鑼灣世貿廣場開的時候已經有光顧，第一次去是妹妹生日，然後我們排了一個多小時才入座。但當吃到了他們的炸豬扒，就明白等待都是值得的之後他們在不同的區都有開分店，但感覺沒有銅鑼灣店那麼好吃。這日剛好到朗豪坊打咭哈利波特，剛好看到他們在電梯旁開了一間分店，決定係度解決晚餐。款式選擇好多，印象中豬柳沒有豬扒好吃，所以選了上級豬扒定食（💰218）。枱面上有三個不同的醬料 - 豬扒汁、紫菜汁及西柚汁。豬扒汁是沾豬扒吃，而另外兩個汁就是用來拌椰菜絲來吃。豬扒表面非常鬆脆，裏面的豬扒非常juicy肥瘦均勻，肉質一點也不柴。每咬一口豬扒，吃上一口白飯再加一口新鮮椰菜，簡直絕了。他們的白飯跟椰菜都可以無限添加，不過白飯我吃不了太多，只是加了一轉椰菜味噌湯料很足，有豆腐、海帶跟蜆肉。不過味道有點咸。最後仲有西瓜做甜品，食完真係飽到上心口但又超級滿足餐廳是有加一服務費的，要注意啦。總結：味道非常好，晚市價錢較貴，中午去食抵食啲，上級豬扒定食必點，豬扒外脆內嫩，絕對值得再去！

去過銅鑼灣、金鐘，同旺角三間，得旺角一間啲豬扒係好食既，點解可以差咁遠既？ 人哋呢間鋪頭明明出名炸粉散脆、醬汁好味之餘，啲豬扒係汁同肉均勻交錯，好好味架嘛，但係港島區兩間食親都係咁差，啲豬扒有根、夾住一條脂肪，其餘部位就全瘦，係唔係收錯貨呀🥲。最慘係，食完旺角果間好味，係金鐘食多次，今次叫既係880蚊果個set, 全部野都一般，只得刺身好味，勁哂錢😰😭埋單930蚊換失望！ 隔離枱客同經理熟，話專登去金鐘搵佢幫襯，唔知佢哋果舊豬扒會唔會係正常啲，不過我果舊就真係覺得被搵笨。（附圖咬唔開既有根豬扒）

聽店員講佢哋嘅舖頭已經有30年喺香港😱😱食得出啲蝦唔係太cheap😂廣島蠔都好食，豬扒都好軟熟! 其實真係一分錢一分貨，佢嘅質素真係唔差、梅子梳打都好好飲！服務人員又好禮貌👍絕對會再幫襯！

食物新鮮，每次回港必去！店長推銷餐券手段靈活，不會強迫，就算不買態度仍然非常良好友善，今天點餐時可能與員工交流不足，單點變了套餐，員工立即替我們更換，店長知道後向我們道歉，而該員工亦一再致歉，非常專業👍🏼

去到朗豪坊都諗唔到食乜嘢，跟住見到炸豬扒突然覺得好掛住好掛住。因為已經一段時間冇食好鍾意磨芝麻碎感覺好治癒最鍾意就係加錢飲呢個豬肉湯味道一流脆卜卜嘅炸豬扒香濃嘅肉汁唔會炸得太乾，而且熱辣辣。還有就是無限添加嘅椰菜絲 配合柚子汁一齊食。可口。 而且可以無限添加。還有我很喜歡他們當差不多用餐完畢。都會附上一杯熱騰騰嘅熱茶解膩 服務很好 而且還不是介紹他們最新嘅菜式 雖然我沒有選擇 但職員們都很有禮貌 還不是詢問有冇需要加椰菜絲或者加熱茶

Lunch食得豐富啲就揀呢間食極都唔嫌既日式炸豬扒餐廳，到達店舖門口已被counter職員熱情招待入座，感覺非常好，讚！入座後由另一位職員介紹時令食品和餐牌食物，聽得朋友和我津津樂道，因為講得流暢又有節奏，明顯訓練有素，即刻引起我哋食慾，讚！2份食物先後上枱，時間調校得好，唔會一個有得食，另一個睇住對方食。食物仍保持高水準，讚！完餐，換上一壺熱茶和杯，是這間餐廳的規矩，讚！整體而言，服務好，食物好，環境又佳，一定要時常嚟幫襯。

上次食過一次LUNCH SET，滑蛋豬柳飯而鑑於上次有感豬柳嘛嘛今次點返滑蛋豬扒飯，散叫，沒有LUNCH SET首先黎咗兜芝蔴，然後加咗豬扒汁落去，mix佢然後滑蛋豬扒飯賣相好好麵豉湯入面有蜆大量椰菜絲，解膩，可refill豬扒真係一啲都吾韌，炸皮薄，又脆咬落有肉汁，吾乾滑蛋嫌唔太滑，而且出水令個飯濕晒，不過係好難避免食食下真係好膩，要食啲椰菜絲中和下

從世貿中心時已經開始食, 到過尖沙咀, 又一城, 及旺角分店, 間間水準一流沒有差別, 質量多年不變, 份量又沒變少, 而且現在晚市套餐兩人才500, 比起以前要600-700 平了好多. 而且也比得起在日本的質數.

今日行開朗豪坊，屋企又冇煮飯，咪食埋先返屋企啦，咁見到呢間炸豬扒店，幾好咁，咪入去食。叫左個2人餐試下，豬柳啖啖肉，豬扒肥瘦均勻。環境乾淨衛生，不過都幾焗，空氣好似唔係咁流通，食到汗都出埋，所以食完冇坐就走人。

唔係間間Tonkichi假日都有午市套餐，朗豪坊呢間有，泊車又方便，所以如果要食Tonikichi, 會揀朗豪坊呢間😜因為之前買咗現金券，而現金券就黎夠期，所以2月份已經第二次到訪。食Tonkichi最大問題係….. 會食好多飯🫢對於體重係一個挑戰🫣每次嚟，都係叫吉列深海大蝦，生蠔豬扒定食， $189就可以有吉列豬扒大蝦同埋生蠔非常抵食，豬扒肉質嫩滑多汁，配搭即磨芝麻扒汁，－啖豬扒一啖白飯，轉眼間一碗白飯已經被消滅，吉列生蠔係我嘅至愛，爽脆爆汁，鮮香美味，搭配特製的他他汁簡直係人間美味🤩而我對吉列大蝦則感覺一般，如果可以將大蝦換咗生蠔，我會更加開心🥳

上月和家人在銅鑼灣店店吃過一次後，一直很懷念今天又是family day，所以試了旺角這間價錢比銅鑼灣平，但質素也是一樣四人點了兩份二人餐，分別是豬扒豬柳搭配吉列大蝦和廣島蠔豬扒豬柳能保持水準，吉列大蝦爽口彈牙，廣島蠔亦很新鮮肥美飯和椰菜絲可自由添加，椰菜絲強烈推薦加紫菜汁，米飯據說是日本米，香糯適口，亦忍不住多添兩碗店員服務態度好，上菜時細心介紹，亦不時詢問是否需要加菜加飯美味炸豬排，值得再次光顧！

中午有事去旺角處理完，上朗豪坊行了幾間店舖，覺得這間少人一點，有5張吉枱，便入去，由服務員帶位坐下來。不到5分鐘，門面又入了一個單人客，服務員竟然安排佢坐係我隔離。我坐呢張枱，係由兩張單人枱拍埋一齊。但服務員一來又無拉開少少兩張枱，人家唔知，以為我們是朋友。果一刻我真係好難妥。如果中午店舖是多人，我會接受，但我由坐低至離開共25分鐘，除了這個單人客，已經無其他客人入座，一直還有4張吉枱。我叫了一客吉列上級豬扒定食，老實講，係好好食。麵豉湯的湯底味道香濃。炸豬扒十分脆口，夾配菜的菜絲已經很好食，不用點醬。而且份量亦都好足夠飽。另一服務員的敗筆，是沒有告訴我可以加配菜菜絲，我買單時，隔離搭枱的叫加菜，我才知道。在旺角午餐，豐儉由人。但如果一餐成200元，又唔係壽司吧，又唔多客，係咪可以俾人坐得舒服啲？如果客人唔見東西，係咪你店裏安排失當？做乜要坐咁迫？食物是好食，但我無影一張相片，快快脆脆食咗高走，搭枱，好難睇。

🐷🐷🐷假日都有lunch menu around $150一個人，講明有lunch set先會去食，而大menu有少少定價過高餐廳有餐牌指明會收取每位$9茶錢，包括餐前日本焙茶，以及餐後玄米茶，兩款茶都唔錯，但感覺就好似故意有藉口多收茶錢👎🏻👎🏻👎🏻其實只提供一款茶都已足夠白飯同沙律可添加，沙律可配西柚汁同紫菜汁，西柚汁比較好味開胃，有麵豉湯，味道普通唔算鹹，食完定食有西瓜吉列上級豬扒定食($169)豬扒岩岩炸起好夠熱，厚薄中等，炸粉唔厚，咬落口肉質嫩，但邊位就比較肥👎🏻👎🏻👎🏻配沙律同飯食就唔覺膩滑蛋吉列豬柳飯定食($139)比起上級豬扒定食，我比較喜歡滑蛋吉列豬柳，豬柳好厚好嫩，啖啖肉，加埋滑蛋，味道即時豐富左，食落口就唔覺吉列豬熱氣同乾👍🏻👍🏻👍🏻👍🏻