影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
路過朗豪坊見無人排隊所以入去食 環境舒適 開始座低有杯烘茶飲 食完仲有杯玄米茶幫助消化 炸豬扒脆卜卜👍 炸蝦都好大條👍👍侍應有sell現金卷優惠 耐心介紹檯面醬汁 服務幾好👍👍用完餐職員再送上水果 👍會再幫襯⋯！！
繼續閱讀
以為連鎖店會有保證，點知近$200一個晚餐定食，連個味噌湯都冇，個飯仲細過吉野家個飯，炸豬扒又唔見出色，魚生只有非常迷你既三件，就好似$200價錢食緊仲衰過吉野家既質素，仲要收成$9茶錢，當自己茶樓嗎？而我只飲左杯水，餐牌上冇寫明會收茶錢，到食完俾錢時先發現，咁偷雞摸魚法⋯唔怪得知咁多連鎖店執，咁嘅質素點留住啲客！成日話人唔支持香港消費，但性價平咁低，叫人點支持？呢間野可以black list，永不光顧！
繼續閱讀
加一over 200 一個lunch set。唔好食，唔會再食。店內不斷sell 餐券，但真係唔會再吃。豬排一般，唔特別有味道，角切壽司飯也不覺得新鮮好味，呢個價錢，可以有其他更好選擇
繼續閱讀
放工嚟到朗豪坊搵嘢食，見到丼吉日式吉列豬扒專門店，諗起好耐無食過，就入去搵個位置坐低了。呢度最出名當然係吉列豬扒，炸得香口之餘，亦保持肉汁，唔會炸到乾噌噌，好juicy😋😋除咗豬扒之外，其他炸物同樣出色，例如宮崎牛肉、帶子、廣島生蠔等等….今次冇叫豬扒，叫咗個吉列深海大蝦半北海道帶子定食，另外加多兩隻廣島蠔，好豐富嘅一餐🤭🤭不過今次啲帶子同大蝦炸得有少少乾，不過都好食嘅～～順帶一提，呢度嘅珍珠飯同埋日本椰菜絲係可以免費添食，當然要量力而為，食得幾多添幾多啦！
繼續閱讀
這間「丼吉」日式吉列豬扒店由銅鑼灣世貿廣場開的時候已經有光顧，第一次去是妹妹生日，然後我們排了一個多小時才入座。但當吃到了他們的炸豬扒，就明白等待都是值得的之後他們在不同的區都有開分店，但感覺沒有銅鑼灣店那麼好吃。這日剛好到朗豪坊打咭哈利波特，剛好看到他們在電梯旁開了一間分店，決定係度解決晚餐。款式選擇好多，印象中豬柳沒有豬扒好吃，所以選了上級豬扒定食（💰218）。枱面上有三個不同的醬料 - 豬扒汁、紫菜汁及西柚汁。豬扒汁是沾豬扒吃，而另外兩個汁就是用來拌椰菜絲來吃。豬扒表面非常鬆脆，裏面的豬扒非常juicy肥瘦均勻，肉質一點也不柴。每咬一口豬扒，吃上一口白飯再加一口新鮮椰菜，簡直絕了。他們的白飯跟椰菜都可以無限添加，不過白飯我吃不了太多，只是加了一轉椰菜味噌湯料很足，有豆腐、海帶跟蜆肉。不過味道有點咸。最後仲有西瓜做甜品，食完真係飽到上心口但又超級滿足餐廳是有加一服務費的，要注意啦。總結：味道非常好，晚市價錢較貴，中午去食抵食啲，上級豬扒定食必點，豬扒外脆內嫩，絕對值得再去！
繼續閱讀