老馮茶居 (荃灣千色匯II)

揀好點心後，職員好快落單，20:02落完單叫我睇吓有冇錯，我發現多咗個糯米雞，叫職員幫我睇睇，原來自己take錯咗，問佢可唔可以取消，佢話師傅已經蒸緊隻糯米雞，冇得取消，但由落單嗰一刻到我們發現剔錯咗全程唔夠30秒，ok算數，我再點多個雞扎（落單時間20:05），但前後大約5分鐘（20:07）隻糯米雞就放咗喺枱面，我問職員點解可以咁快蒸完出嚟？ 我已經嬲到唔記得個職員答我乜嘢，anyway 你唔肯取消都唔緊要，唔好答我已經蒸緊隻糯米雞，但幾分鐘後隻糯米雞已經擺咗喺枱面，我覺得成件事好肉酸。大約兩年前開始嚟老馮飲茶，佢哋有d點心係好食，但糯米雞同芋角，我真心講句……係唔掂。同埋經過今次嘅經驗，應該以後唔再嚟