港畔餐廳

營業中

休息中

尖沙咀的香港麗晶酒店已於2023年初重開， 而佢哋Harbourside 嘅自助餐有好多捧場客， 所以長期爆滿， 如果想食嘅話， 一定要去酒店嘅官方網站提早預訂。 今次預訂了平日的lunch buffet， 成人$528 + 10%。 首先講環境， 全間餐廳都是看海的座位， 樓底高，加上無敵海景， 真係超靚，超舒服！ 至於食物的選擇， 和一般五星級酒店的自助午餐沒有太大分別， 沙律、冷盤、凍海鲜、熱食、 雪糕和甜品等， 食物質素屬中上， 不過食完之後令我有深刻印象的只有檸檬戚風蛋糕， 因為佢嘅鬆軟度實在令人讚嘆， 咬落口有跳彈床嘅感覺， 唔太甜， 而且充滿檸檬香，正。 另外， 酒店由入門口至餐廳的員工也是非常有禮， 服務殷勤， 充滿笑容，讚！ 美中不足是餐廳的設計， 食物區是一字型的設計， 所以任何時候都是一條長長的人龍， 通常酒店自助餐是分幾個區域， 這樣可以有效地分散人流， 攞食物會輕鬆好多。 另外餐廳的女洗手間只有兩隔， 而且燈光非常黑暗。 溫馨提示： 如果有需要的可以去上層的 Lobby Lounge。