鳥海山鐵板燒 (已搬遷) 新店位置

經朋友介紹嚟食長沙灣隱世鐵板燒小店，位置離地鐵站大約行7至8分鐘。因為我地唔夠早book位，所以今次無得坐係師傅前面食，提提大家要預早Book。一去到見到舖面設計係好日式，直程有去咗日本嘅錯覺🇯🇵🏯店員介紹我地食$478牡蠣餐，包咗4款刺身、沙律、廣島蠔、魷魚筒、牛肉薄燒、野菜、炒飯同埋味噲湯。最先上枱係刺身，4款都好好食，新鮮又甜，物超所值。魷魚筒就正常發揮，份量比想像多。廣島蠔係全餐飯嘅亮點！蠔上面鋪滿蔥同埋煙肉，味道好夾，蠔一啲都唔腥，勁想單獨叫多碟。牛肉薄燒係第二好食，燒到啱啱好唔會過火喉，不過有小小油膩，要飲多幾啖茶。整體來講，我哋2個人食得好飽，$478性價比高😍值得一提，waiter服務好好，每次都會主動refill茶水，我個杯無出現過空瓶，好細心。