沖繩二段料理 (愉景新城)

營業中

休息中

平日7點入座，唔洗排隊。一坐底就話QR code落單，冇問題既，但落單都自己黎仲好意思收加一。雖然唔洗排隊，但晚飯時間幾乎滿座，樓面只有2位侍應招呼客人。自己撳完QR code，侍應隨即擺低兩張飛仔係枱面，就咁講咗聲「甜品卷」就走咗去，心諗姐係點呢。之後另一個侍應過黎，問一問先知張「甜品卷」用黎換跟餐既甜品。連上甜品都要我自己主動拎張卷去換，比服務費黎做咩？你見客人食完主食，咪過黎問一句上得甜品未，有幾難？主食就有個炊飯既，係將白飯加落你個壽喜燒湯底，煲熱黎食。本身湯底已經淨番好少，加完白飯好快乾水，但你想熄火都唔得，因為係用白蠟點火既，呢個時候想叫侍應過黎整熄個火，好喇成個樓面得2個侍應，等成2分鐘都冇人幫到你，呢個時候煲飯已經燶咁制。其實呢個情況應該好常見架啦，侍應係咪可以係上茶個時提一提客人如果乾水，早啲嗌侍應熄火？完全唔明點服務水平惡劣都好意思收加一。至於食物質素：一般。壽喜燒牛肉好鞋，柚子湯底稍有特色。唯獨甜品冬甩質素不錯。