HeSheEat (銅鑼灣地帶)

營業中

休息中

其實講真食物質素還好，叫咗一個主食兩個甜品兩杯飲品，煮食係龍蝦汁燴飯，反而呢個算好味呀，但其實我嚟呢間主要係想食甜品，佢嗰兩個甜品一個草莓刨冰就OK啦，另外嗰個熱門主打嘅草莓麻糬疏乎厘pancake真係搞唔掂，講真賣相真係幾靚，你話好唔好食？可以講話係難食。了，好感就好似梳化海綿，扁塌塌俾人坐扁咗，超過10年嘅陳年舊海綿，啲士多啤梨酸到你以為食緊酸梅，佢個Pat cream有浸好騷嘅味道，我以為係羊尿味，講真am.pm仲好食過佢，但你呢度貴人哋一半喎，仲有+1服務費呢，講到+1服務費真係好笑，你呢啲咁嘅西餐啲碟已經夠大㗎啦，張枱又細，環境又窄，咁我兩個人一開始你安排我坐咗張四人位，咁我嗌咗好多嘢，枱面唔夠位擺，擺咗少少嘢喺隔籬枱啫，個店員態度超級西，直接攞走我啲嘢叫我擺返過去，但佢完全冇提供任何途徑幫我擺啲唔夠位擺嘅嘢，我見到其他客人係有俾個籃仔放袋，但個店員完全冇諗過俾我囉，咁都算啦，其實我食到最尾就嚟走隔離先有客人過嚟囉，仲要我見到人哋想坐四人枱，其實冇人坐㗎，佢都唔俾人哋坐，題外話，嗰兩杯嘢飲都唔算好飲，講真真係貴囉，呢度埋單都五舊水啦，但我冇食到好味嘅嘢喎，淨係感受到呢種賓至如