影片
更多
2023-06-08
198 瀏覽
女人街食飯有限公司，一間俾佢環境吸引住既餐廳，裝修懷舊，十分有味道，有別於真正大排檔既係，入面位置闊落，而且有冷氣。😆想食依間好耐，但深知唔book位，依間餐廳有排等，之前一直都未有理想時間去，依日終於等到機會。由於我book左6:30，時間尚早，依個時間人潮不多，但再稍晚一點，已經見到等位既人海，如果好似我咁唔鐘意等位既朋友，記得要預早book位。黑松露鮮蝦西多士，最少要三件起叫，我地三個人岩岩好。西多士好香口，而蝦夠🦐彈牙，黑松露醬好惹味，依個絕對直得值得一試！八味脆豆腐，外皮炸得夠脆，但入面豆腐嫰滑，配上避風塘既脆脆、調味料加喼汁，真係好好味，我一個清左好多😆鹹肉野菌炒雜菜，出街食飯硬係要叫碟菜，感覺先健康d，入面既材料都好豐富，除左主角-菜，仲有豆乾、鹹肉，野菌、紅蘿蔔，一次過滿足五個願望，不過相較其他菜式，依個無咩重點，不過不失。黑椒蜜餞薯仔牛柳粒，牛柳肉質好軟，但個人覺得略鹹左少少，薯仔🥔外皮脆，入面都唔會乾，友人話平時唔鐘意食薯仔，都食左好幾舊，薯仔反而比牛柳出色😆鳳梨懷舊咕嚕肉，發現依間野既菜式都有共同點，但凡煎炸既食物都做得幾出色，依個咕嚕肉又係外皮香脆得黎，入面既肉
想食依間好耐，但深知唔book位，依間餐廳有排等，之前一直都未有理想時間去，依日終於等到機會。
由於我book左6:30，時間尚早，依個時間人潮不多，但再稍晚一點，已經見到等位既人海，如果好似我咁唔鐘意等位既朋友，記得要預早book位。
黑松露鮮蝦西多士，最少要三件起叫，我地三個人岩岩好。西多士好香口，而蝦夠🦐彈牙，黑松露醬好惹味，依個絕對直得值得一試！
八味脆豆腐，外皮炸得夠脆，但入面豆腐嫰滑，配上避風塘既脆脆、調味料加喼汁，真係好好味，我一個清左好多😆
鹹肉野菌炒雜菜，出街食飯硬係要叫碟菜，感覺先健康d，入面既材料都好豐富，除左主角-菜，仲有豆乾、鹹肉，野菌、紅蘿蔔，一次過滿足五個願望，不過相較其他菜式，依個無咩重點，不過不失。
黑椒蜜餞薯仔牛柳粒，牛柳肉質好軟，但個人覺得略鹹左少少，薯仔🥔外皮脆，入面都唔會乾，友人話平時唔鐘意食薯仔，都食左好幾舊，薯仔反而比牛柳出色😆
鳳梨懷舊咕嚕肉，發現依間野既菜式都有共同點，但凡煎炸既食物都做得幾出色，依個咕嚕肉又係外皮香脆得黎，入面既肉一點都唔乾！配埋鳳梨酸酸甜甜好開胃。
友人見到隔離枱叫左乾炒牛河睇落幾靚，我地又跟住叫左個。牛份量相對少 但河粉都算有鑊氣，配埋醬食感覺都唔錯，不過又未至於到非試不可。
總括而言，依間餐廳既食物真係有返咁上下水準，位置都坐得舒服，唯獨係樓面既阿叔們態度都麻麻地。食物會令人想下次再黎，但服務態度真係有少少令人卻步。
張貼
