放工約朋友chill一chill，見到AOAO環境有格調，食物都好吸引。 門口位已經非常有設計感，餐廳內都好時尚簡約，仲有好大個露台，咁岩依晚有活動，好多男男女女不同國籍的人士聽著音樂，摸著酒杯談天說地，令我恍如置身美劇般，好有氣氛😆 雖然出面氣氛熱鬧，但室內位置都唔會覺得好嘈吵，區域劃分得很好，而且staff會適時留意到我地需要，上菜時間都很剛好，服務非常完美！ 🍴Akagai $138 赤貝用醬汁醃過，帶點香辣，本身既鮮甜夾埋蘆筍黎食惹味又清新！ 🍴Shredded Celtuce Salad $68 利用萵荀刨成絲，加入鏗魚汁整到好似萵筍麵，食落口感好清爽，再係上面加上三文魚籽、蘿蔔漬同柴魚片，令人食慾大增！ 🍴Caramelised Pumpkin $88 外層燒至焦糖，望落閃閃發亮好似寶石咁，焦糖加南瓜🎃甜而不膩，南瓜味濃 🍴Charcoal l Grilled Eel $288 依道菜式令我大開眼界！上枱後，staff會用炭去燙燒鰻魚，令其外皮變得香脆、焦香，而鰻魚肉肥美彈牙，令人一啖接一啖咁停不了口，係味覺同視覺既享受！ 🍴A4 Wagyu Cutlet Charcoal $328 竹炭麵包好鬆軟，A4和牛非常厚，肉嫰多汁，入口即化，一食口腔馬上充滿油脂香，令人回味無窮🥰 🍴Double Fromage Cheesecake $68 芝士蛋糕外層係好靚既金黃色，中間既芝士層質感軟滑，芝士味香濃，食落輕盈無負擔！ 🍴Red Bean Daifuku $68 外皮冰凍，口感軟糯煙韌，紅豆🫘味香濃，好正！ 🍹AOAO SANGRIA $118 Apple + Peach Schnapps + Champagne + Cucumber +Raspberry + Blueberry + Strawberry調製而成，果味重，酒不會太濃，易入口，很適合女士，推薦！ 🍹pineapple juice $68 清爽充滿菠蘿🍍香，解渴一流！ AOAO真係一間充滿情調既餐廳，不論情侶拍拖，定一大班朋友把酒談歡都好適合！

之前已經試過中環既芝加哥串燒酒場，體驗非常好，見元朗都有分店，再約住係元朗既朋友去把酒談歡！ 元朗店同中環感覺不太一樣，有別於中環店既熱鬧，依到有旺中帶靜好chill既氛圍。 黎到緊係必點極品即燒乳豬 $59同埋鹽燒鮮白鱔串 $44！依兩款燒到外皮好香脆，乳豬肉嫩，白鱔食落則好新鮮彈牙，真係非常惹味！ 再黎叫左XO燒廣島蠔（半打） $156 、香蔥燒半殼扇貝 $41，香蒜燒鮮鮑魚（三隻）$62 ，芝加哥既海鮮類都好新鮮！廣島蠔肉厚juicy，加埋XO醬食好特別！扇貝大粒鮮甜，鮑魚爽口彈牙，簡簡單單加蔥燒已經好好味！ 鳳梨燒 $20 好香甜解膩！燒娃娃菜 $13 真係唔會出錯既單品，又甜又多汁，加埋燒烤粉烤，好味到再encore !招牌茄子燒 $29，烤得剛好，茄子肉好輕易就能夠分離，食落軟嫩多汁，香氣十足！韭菜燒 $12，獨特既韭菜香氣又係令人停唔到口！ 烤魷魚 $15係啤酒既絕配！再沾上美乃滋醬食，令其滋味更有層次！金針菇牛肉卷 $21，牛油濃郁的香氣與金針菇的鮮味交織，搭上juicy既肥牛令人回味無窮！燒土匪雞翼 $19，比知名米線鋪既更加好味，香氣撲鼻，肉嫰多汁！ Chicago Logo Beer $88 - 飲落好順口，甜而不俗，係燒物既最佳拍擋！ Rose $82 - 用Rose, Gin, Soda, Syrup溝出黎，酒味較重，酒滑到喉嚨後酒精散發出來的刺激感很爽！ 芝加哥串燒酒場，唔單止有各式各樣的酒項選擇，而且難得食物同樣勁有質素，不論同另一半拍拖定同朋友聚會都非常chill!

其實好多工廈入面都會有高質隱世既餐廳，今日就搵左間位於荔枝角既西餐廳FBA Kitchen ，位置非常方便，就係D2 place隔離，食飽飽仲可以行個街😆 去到餐廳環境別緻，有不少小巧思既怖置，每一枱都會放上蠟燭，店員更會將燈調暗，非常有氣氛。 點餐後會送上餐前麵包-紅莓麵包，外層口感紮實，內層鬆軟有嚼勁，加入紅莓帶點酸甜滋味，而且仲熱烘烘，塗埋牛油，真係份外好味！ Daily Soup $58 - 是日餐湯係甘筍湯，甘筍味道濃郁，帶點淡淡的奶油香，飲落很creamy! Pumpkin Soup $68 - 唔單止擺盤很精緻，一飲南瓜及牛奶香氣傾盆而出，香甜綿密，非常開胃！ Buffalo Wings $88 - 水牛城雞翼香辣之餘帶點酸酸甜甜，外皮炸得香脆，肉嫩多汁，夠曬惹味！ 自家制紅菜頭醃三文魚配 橙肉及茴香沙律 $148 - 依個菜式好別緻，好似一個藝術品咁，最上是沙律及橙粒，下面是三文魚卷成一朵朵的花，因用紅菜頭醃製而成，使其更似一朵玫瑰🌹很美。最底更是用橙汁營造出池塘般，有種優美意境。食落非常清新，香甜的橙再配肉質細嫰鮮美的三文魚，真是雙重享受！ 輕煎三文魚配 香蔥檸檬汁 $198 - 三文魚扒煎得剛剛好不會柴，肉質嫩滑，令人無法抗拒，醬汁很特別，是香蔥檸檬汁，清爽得來別有風味！配菜都不馬虎，有薯蓉、甘荀同菠菜仔。 慢煎紐西蘭草飼肉眼$228 - 依個肉眼真係非常出色！我地叫左五成熟，生熟程度剛剛好，厚薄適中，肉質鮮嫩，味道清香不會過油膩，且肉汁豐富，好juicy好驚喜！配菜薯角都一樣咁出色！
 士多啤梨意式奶凍 $58 - 香濃牛乳味的意式奶凍，加埋滿滿酸酸甜甜的士多啤梨🍓作為飯後甜點一流！ 比利時朱古力心太軟$68 - 朱古力香濃的味道四溢，切開之後軟滑流心流出來，口感鬆軟熱乎乎的，配上冰凍既雲呢嗱雪糕，味蕾好衝擊，好好味！ FBA Kitchen食物有水準不在話下，店員服務態度都一流，上菜速度剛好，又會主動幫我地換碟，問我地食物合唔合胃口，我更聽到其他食客都有稱讚食物質素，店員都有問有答，一傾之下更發現原來餐廳廚師係出身於酒店，難怪食物咁出色！ 真心推薦依間餐廳，餐廳晚市一開我便入座，其後愈來愈多食客，幾乎坐無虛席，多食客已經係信心保證，由其工廈都咁多人黎食，真係好有水準！

冰室係平日唸唔到食咩時既好選擇，見青衣城開左間新冰室，就試試佢。 三點三冰室環境寬敞，坐位同坐位間唔會好迫，坐得好舒服。 打開menus發現選擇勁多，不論係主食、小食、甜品定飲品都好多款式，有懷舊食品，亦有創意料理。 西冷牛扒餐 $128 - 成個餐好豐富，牛扒大大塊，可以簡幾成熟，仲會配粟米湯同焗薯仔（或薯條），份量十足！鐵板餐最緊要鐵板夠熱，一上枱已經滋滋聲，再淋上黑椒汁真係不得了！ 芝士蝦多士 $72 - 芝士蝦多士有六大舊，賣相好靚仔，食落酥脆可口，唔止有滿滿既蝦膠，一咬半融芝士仲會流出，好正！ 哈哈哈炒飯 $82 - 依個炒飯好有心思，唔止有蝦仁，仲有蝦米同櫻花蝦乾，係明符其實既「蝦蝦蝦」😆平日用蝦醬整既料理好易過咸，但三點三既炒飯係濃咸適中，而且炒得粒粒分明，咪道相當唔錯！ 狂牛 $38 - 大大杯材料好豐富，由雜果、七喜、利賓納加士多啤梨雪糕而成，非常滿爽，係童年回憶既味道！ 雪糕香蕉🍌船 $42 - 以前好經典的甜品，難得見到有即點！香蕉切成兩半，中間夾著雲呢拿、草莓和朱古力雪糕，食完好滿足！

蝦蝦燒，自己夾自己燒，有得玩有得食，同屋企人、一大班朋友，情侶都好岩。 一入座職員已經好貼心幫我地將蝦放係爐上燒，同埋會講解桌上各餐具既用途，包裝紙巾上有更加有個教學，掃一掃就可以睇到不同食物要燒既時間係幾耐，好貼心。 除左生猛猛既大頭蝦可以任夾任食，餐廳仲會每人送上一串白鱔，將外皮燒得焦脆，肉質彈性，好正！另外，出面亦有各款海鮮，例如好新鮮既扇貝、生蠔、魚、蜆等等，或其他肉類，如牛、雞、煙鴨胸、漢堡扒等等、各款丸類、燒物，應有盡有！除此之外，仲有唔少調味，例如牛油同蒜蓉，放係海鮮上燒真係一流！想豐富點，可以加粉絲，或單獨煮個烏冬又得😋飲品款式都不少，超過十款以上，樣樣都想試，選擇困難症唔知點簡😆😆甜品當然唔少得，雪糕口味眾多，緊有一款岩食！ 蝦蝦燒環境乾淨衛生，店員都好幫忙，清理得勤快，會教我地點燒，依個價錢可以任食海鮮，同咁多款食物真係好抵！真係好推薦依間餐廳俾大家！

我同友人都係三月生日🎂所以簡左間有質素既西餐慶祝。 一去到已感覺環境別緻，樓底好高，座位寬敞，一整排都是落地窗，好精緻同埋有氣氛。 我地點左set dinner，點餐後會先送上餐包，分別有三款：酵母包、香草麵包、紅菜頭麵包，可配餐廳自家製獨有既煙燻茄子醬同蜜糖蒜蓉牛油🧈麵包本身已經好好味，加埋兩款醬更加係畫龍點睛！ Jamón Iberico de Bellota 48+ Month - 依款係老闆同農場合作，來自西班牙的頂級黑毛豬火腿，用橡果飼養的伊比利亞黑毛豬醃製48個月而成，因此獨有的咸香中，橡果香氣和堅果風味亦都好濃郁，餘韻悠長。 USDA Beef Tartare - 由美國Prime級的牛肉切碎而成，原汁原味，嫩滑多汁，再添上檸檬汁，食落好清新，放在脆薄既多士上吃，更加有層次！ Chorizo and Garlic Tiger Shrimps - 西班牙香腸帶煙燻、微微的甜辣味，蒜蓉牛油虎蝦的蒜蓉及牛油香在嘴裡散發出來，添上檸檸汁及蕃茄仔，整道菜很開胃！ Lamb Wellington - 初嘗威靈頓羊排，酥皮好酥化，充滿牛油香，羊味濃郁而不羶，肉質非常軟腍，配菜蘆筍、薯餅等都好惹味新鮮，我仲食到嫩滑既煙燻鱔魚係入面，非常有水準的菜式！ Duck Leg Confit - 長時間的低溫油封烹調，使鴨腿肉質彈嫩緊實，用叉輕輕一碰，而使其肉骨分離 ，皮酥肉嫩，鴨肉味濃郁，食落帶點甜味，令人回味無窮！ 脆炸薯條、Sautéed mushrooms- 新鮮熱辣的薯條，不用添加任何調味料已經好好味！而蘑菇好juicy，鮮味十足 食左咁多道菜，最後仲會有餐菜同甜品，真係好豐盛！ Dessert of the day - 是日甜品係焦糖蛋糕，分了三層，第一層是軟焦糖，第二層是焦糖慕絲，味道香醇濃郁，而第三層則是餅底增添口感！ 咁高興的日子，我地仲另外點了兩杯酒： Sparkling Tea Jasmine - 氣泡酒一飲落非常清爽開胃，綠茶味中帶有茉莉花香氣，同時還有微微的蘋果、荔枝和香草的香氣，味道有層次卻又好match Delas Cotes du Rhone Saint Esprit Rouge 2021 - Saint Esprit Rouge 香氣是典型的西拉香氣，帶有漿果、紫羅蘭和甘草的香氣。口感飽滿圓潤，單寧細膩，飲落非常順口香醇！ 整頓晚餐吃完後，我們都感到滿足不已，店員們態度親切，一去到已會同我地講解menus，臉上總是保持著笑容，說話輕柔，令人感到舒服，加上別緻既環境，同超水準既食物，去慶祝真係一個好好既選擇，意外的是價錢一點都不昂貴，性價比很高，如果平日想食好點，我都會豪不猶豫地選擇Forkers!

aga restaurant & bar 是一間非常型格的西餐廳及酒吧，店員都很年輕友善，氣氛很輕鬆，能讓人好好放鬆的感覺。 即使天氣微冷，也有不少客人選擇坐戶外，位置闊落，昏暗的環境下，用燈飾營造出氣氛，而室內也是設計感滿滿！ 西班牙風乾火腿薄餅 $128 - 薄餅底做得脆薄，風乾火腿味道甘香濃郁，油脂平均，芝士落得毫不吝嗇，一拉起便是芝士拉絲，非常邪惡！😋讓人忍不住一塊接一塊地停不了口！ 蟹籽珍寶帶子扁意粉 $128 - 有三大粒厚肉帶子，煎得金黃香口，而忌廉完全掛在意粉上，每一條都好濃郁。意粉的表面更鋪滿了蟹籽，很有層次和口感！ 椒鹽蛋白茶樹菇 $98 - 茶樹菇營養價值很高，如果貪吃又想騙自己要食得健康😆依道小食就非常不錯！一入口便充滿著椒鹽香，外皮口感酥脆，內裡彈牙有嚼勁，更帶點清柔的菇味，很美味！ 菠蘿桂花烏龍粉紅岩鹽奶蓋 $68 - 賣相已經好吸引，粉紅岩鹽奶蓋香滑，咸香奶香味俱全。桂花烏龍很清香，再加上菠蘿🍍汁的果香，整杯飲品恰到好處，味道非常豐富。 Iced Honey Latte $68 - 咖啡☕️及奶香味很平衡，面頭鋪上焦糖脆脆，香甜又增添口感。 餐廳的人流很多，很快便高朋滿座，看來有不少識貨的同道中人😆

行過見到Boholic門面已覺十分吸睛，內裡的設計以波希米亞風為主，加上暖色調感覺好溫馨，仲設有打卡位俾食客影靚相打卡，非常有心思！ 蒜香牛油蟶子拼蒜香包 $108 - 依個配搭係其他餐廳真係好少見，唔單止擺盤靚，蟶子食落乾淨新鮮，蒜香味十足！上面竟然就有黑魚子醬😆再夾埋香脆既蒜香🧄包真係愈食愈開胃！ 脆炸土匪雞翼 $68 - 雞翼上枱時熱辣辣，表面炸得香脆，肉質嫰滑，酸酸甜甜咁好滋味！ 珍寶軟殼蟹溫泉蟹芝士忌廉意粉 $168 - 芝士忌廉醬汁完全掛在意粉上，每一啖都好濃郁惹味，加埋溫泉♨️蛋真係好味到停唔到口！而軟殼蟹大大隻，好香脆可口，隱約仲食到陣陣鮮味，出色！ 日式西京燒銀鱈魚配香燒羽衣甘藍炒野菌 $108 - 實不相瞞，其實我好鐘意食西京燒銀鱈魚，boholic做到外皮焦脆、肉質細緻、油脂豐厚、甘甜多汁，每一口都是幸福💓羽衣甘藍菜份量十足，炒過後，更增添風味，加埋野菌真係健康又可口！ 丸久小山圓抹茶鮮奶(iced) $55 - 年紀愈大真係會愈怕甜，丸久小山圓既抹茶相信大家都唔陌生，牛奶鮮味同茶澀味非常平衡，其香氣餘韻十足 士多啤梨牛油果沙冰 $58 - 士多啤梨🍓加牛油果🥑好match，打成沙冰好清爽，飲落清甜可口😋 食左咁多野好飽，埋單發現原來依家逢一至四有78折，勁抵食，性價比好高！店員同我地講，梳乎厘做緊半價真係好吸引，但太飽唯有下次🥹餐廳keep住多人流，人流係信心既保證，說明有返咁上下質素！而且店員都好親切有禮， 適時留意客人既需求，今餐食得好開心，依間餐廳值得推薦俾大家！😆

適逢過年🧧又情人節，節日氣氛咁濃厚心郁郁想食餐好，愛吃友人即刻推薦龍亭依間鐵板燒，話性價比好高！ 門面低調有私隱度，坐位不算多，師傅可以專心照顧到每一位客戶，細心咁介紹菜式。而且最平套餐只係$588，有沙律前菜🥗、鐵板海燒兩品、鐵板肉類一品、炒飯同時日甜品，的確性價比好高！ 我地二人分別簡左一樽梅酒$168、一個$588套餐同$788套餐，$788套餐多左個前菜、湯、同埋炒飯會配海膽。 月桂冠甘濃梅酒 $168 - 月桂冠歷史尤久，出品梅酒不嬲享有美譽，梅酒果香味濃郁，香甜易入口，梅酒控表示好滿意😆 第一道前菜，黑魚子醬下是煙三文魚，而煙三魚又包裹著沙律，仲可沾上黑醋食，成件事好有層次！沙律菜新鮮非常，煙三文魚咸香滑嫩，龍吐珠同蕃茄仔都好清甜，前菜已經咁出色！ $788套餐既另一個前菜：係溫泉蛋內，加入魚子醬、松露，再將三者攪拌均勻食用，蛋香味十足，松露非常濃郁，再加埋魚子醬真係高級享受😋 海鮮我地各簡了兩款不同的： 南非孔雀鮑魚鮮嫩彈牙，蒜香味濃郁卻又掩蓋不了其清甜。 黑松露牛油扇貝好驚喜，扇貝大大粒，鮮甜味美，加埋濃厚松露、牛油🧈真係香氣十足，令人回味無窮∞ 香煎帶子加埋意大利青瓜好特別，帶子煎得金黃，食落嫰滑，鋪上魚子醬，夾著意大利青瓜，口感豐富，味道有層次。 好似好少鐵板燒有東星斑選擇，忍唔住要簡！東星斑魚皮煎得香脆，肉質緊實，味道鮮甜，魚味濃郁，好味！ 而紫色泡泡係餐廳特別調制既醬，令各類海鮮增添味美，睇得又食得。 肉品方面，兩個肉控都簡左牛柳五成熟！一上碟已感到吸引，有手磨芥末醬、竹炭鹽自行調味，仲可以夾埋蒜片去食，牛柳好軟腍，肉嫰多汁！旁邊仲有好可愛既櫻桃🍒蘿蔔，食落清爽。 再黎就係炒飯，炒得好有鑊香，粒粒分明有口感，最正係有好濃郁既松露香，蝦亦都好彈牙，$788套餐仲會多左好creamy鮮甜既海膽係炒飯到🥰 同埋一碗熱氣騰騰既麵豉湯。 最後由甜品劃上完美的句號，有充滿紫薯香既紫薯雪糕，同埋清爽鮮膩的柚子雪葩，最特別係佢地有個爆珠包裹紅豆🫘好得意！ 大推依間龍亭鐵板燒！師傅會同客人親切互動，食物有質素價錢又合理，真係非常滿意既一餐！

REDIVINE係一間非常精緻既泰式西餐廳，裝橫可見用心，有種波希米亞風的感覺，仲有特色座位吊櫈，望落好有度假的感覺，打卡一流！ 魷魚青木瓜沙律 - 魷魚好爽口彈牙，青木瓜清新得來，酸辣得好過癮，望住依盤沙律🥗五顏六色真係好有食慾！ 煎焗澳洲羊架 - 其實我好怕羊肉的羶味，但處理得宜，佢既美味又會無人可比，抱住試試既心態去點，令我喜出望外！一上桌陣陣肉香味四溢，肉質嫰滑，肉味濃而不羶👍🏻 小火山豬肋骨 - 我地問店員有咩推薦既時候，佢地話依個小火山豬肋骨係隱藏菜單，食完真係意想不到地有驚喜！一食落好有泰式風味，醬料酸酸地好開胃，重點係肉炆得好軟腍骨肉非常易分離，有種入口即化既感覺，好好味！仲有配菜都唔馬虎，我最鐘意蕃薯🍠焗薯蓉甜甜地，好食😋 朱古力榛子批 - 賣相非常用心，有朱古力、馬卡龍、不同水果整成擺盤，好藝術🎨感，未食前先加分。內饀既朱古力同榛子味香濃，餅底由餅碎造成好有口感，完美既甜品為今日完美既一餐劃下句號。 依間餐廳真係好值得推薦，店員會時時留意我地既需要，態度親切，食物美味，環境又好，唯一有個小缺陷係，餐廳位置唔熟路既人要細心搵下，希望佢地唔好俾依樣野埋沒左，可以更多人認識！