女人街食飯公司

營業中

休息中

這家餐廳的菜品色香味俱全，令人垂涎。特別是招牌既黑松露多士，多士外脆，蝦內嫩，搭配特製黑松露沙律醬汁，風味獨特。招牌走地雞則鮮嫩多汁，調味恰到好處，讓人一口接一口。芥蘭煲的香氣撲鼻，配料新鮮，口感豐富。螺頭湯品清淡卻不失鮮美，十分暖胃。整體而言，這裡的菜品不僅呈現精緻，味道更是讓人驚喜，值得一試！

話說今次同朋友兩男兩女食，因為之前食過唔錯，朋友又未試過，所以決定帶佢地黎食，當日仍然依舊多人等位，要喺門口拎飛，但明明我地個號碼喺下一個號碼前面，下一個號碼既係4個女仔，但見到門口男店員安排佢地入座先，其實男店員負責入座既人大部分都係同一個男店員，佢地入座後我地等多成大半個鐘先可以入座到。我真係百思不得其解點解係安排後一個號碼而係4名女仔入座先？呢到係咪有女士優先今日都點左幾款菜，而蝦多士係我每次都必點既，因為佢既做法真係做得不錯，個多士好脆而已佢個蝦好彈牙，又食得出香濃既黑松露醬味望落已經炸得唔錯。另外呢到既咕嚕肉都好出名，酸酸甜甜，但咕嚕肉就比較少。小炒皇就必點既，呢到都好足料，有哂大大隻既蝦乾又有大量既魚仔。魚腸超級飽肚，但就普通，無乜特別。呢個啫啫芥蘭煲必點，非常之香，配白飯一流呀！黎到呢到飲啤酒一定係要用戰爭碗先飲得爽架～

距離交枱時間仲有十五分鐘已經係咁催，但當時仲有大量食物未食，大家都好努力想食哂啲嘢，但到交枱時間仲有嘢未食，伙記們已經態度唔好，係咁催走，今時今日咁嘅服務態度點得，難怪人人北上消費，喺國內從未聽過會催客走。呢間餐廳今日種下嘅因，將會成點聽日結出嘅果，咁嘅服務態度唔可能吸引顧客再次幫襯，再加上食物質素並冇想像中理想，難道 貴公司係希望生意淡薄唔洗做嗎？其實大家一班人嚟食飯都只係想開開心心而唔係嚟受氣，如果大家仍然有興趣嚟呢度挑戰，祝各位好運。

想食呢間好耐，難食有班好耐冇見既朋友約食飯☺️所以我就提議左食呢間☺️多啲人又可以試多幾款餸😍😋脆皮牛腩個人覺得呢都幾特別😉炸皮唔會太厚，外脆內軟☺️😋八味脆鮮魷炸粉唔會太厚😉魷魚又係煮得岩岩好🤗😋鳳梨懷舊咕嚕肉估佢唔到用左新鮮菠蘿🍍夠哂甜😂咕嚕肉保留到脆皮口感😉😋黑椒蜜餞薯仔牛柳粒又係必叫既菜式☺️薯仔🥔炸得岩岩好🤘🏻外脆內軟😉薯仔同牛柳份量係一半一半，再配埋黑椒同蜜餞食真係好夾🤗😋杜小月櫻花蝦海鮮炒飯上枱已經聞到好香👍🏻好夠鑊氣👍🏻粒粒分明👍🏻😋地道咖哩水魷魚🦑最令我驚喜係佢既青瓜🥒又爽又甜😍水魷又唔會煮過時🤞🏻😋胡麻雞絲粉皮雞絲唔會好鞋😊份量不錯👌🏻😋八味脆豆腐豆腐好滑😂外脆內軟👍🏻仲要有炸蒜係面夾住食正👍🏻舔舔脷指數👉🏻7😋/10😋滿分 可以一試😋

舊同事聚會試咗呢間“大排檔” ，餐廳環境裝修得好似大排檔，但又坐得舒服過大排檔。而且裏面嘅道具擺設都好有心思，滿滿懷舊感，鍾意影相嘅朋友真係大把嘢影 😙 餐廳氣氛仲好熱鬧添！好啱大班朋友聚會。食物水準唔錯，炸物炸得乾身唔油膩，蝦多士同紅燒乳鴿好食。另外仲有試咗蒸扇貝同埋龍蝦米粉底，海鮮新鮮而又煮得啱啱好，係龍蝦個米粉底，有啲遜色，可能因為佢唔夠汁，沾唔到汁嗰部份嘅米粉餅好硬，硬到食唔到，如果要試，可能要要求多汁。其他餸菜都ok，夠味但唔鹹。雖然格局似大排檔，但係服務比我想像中好，雖然我哋去到左問右問，等埋遲到嘅人，都搞到成半個鐘先至落單，但係侍應都冇唔耐煩，態度都好親切。佢哋啲動作係好快，同埋到還枱時間佢哋真係會請你離開，然後就9秒9翻枱，但係都理解，因為門口真係好多人等緊入座。食飯有還枱時間真係香港嘅特色，唯有當呢樣都係風味啦😅

今日一行10人去廣東菜館十大之一女人街食飯公司食團年飯，😃早兩三日就已經打去預留咗上湯龍蝦腸粉，👍🏻呢個係特別餸，一定要留先有得食！同埋豉椒蟶子皇，👍🏻實在太好食！👍🏻黑松露蝦多士都係招牌，仲有佢嗰個咕嚕肉又係好王牌！豉油王炒麵勁好食，薯仔牛柳粒都係非常之惹味。我覺得真係值得再encore 👍🏻老人家都話好食。我哋仲食咗臘味炒芥蘭，嗰個蟹籽瑤柱蛋白炒飯都唔錯，不過好似淡味少少。其他炒嘢都非常好食，尤其是鐵板啊JJ嗰D 。呢間之前食咗幾次都係一樣keep住水準，所以下次可以繼續嚟。

📍 女人街食飯公司 🏮🍲📍 地點： 旺角🍽️ 類型： 港式懷舊大排檔今次嚟到 女人街食飯公司，呢間餐廳走 舊香港大排檔風格，裝潢有懷舊霓虹燈、鐵閘裝飾，氣氛熱鬧，幾適合一班朋友或者家庭聚餐！😆🔥 今次試咗幾款大排檔經典菜式，全部都係 重口味夠惹味，非常適合配飯！🍚✨📌 咕嚕肉 🍍🐷一上枱已經聞到陣陣 酸甜香氣，咕嚕肉炸到 外脆內嫩，醬汁酸甜度剛剛好，唔會太膩，入面有 菠蘿、甜椒同洋蔥，咬落去口感豐富，送飯一流！💯📌 薑蔥蠔煲 🦪🔥蠔肉 大粒飽滿，口感鮮嫩，配埋 薑蔥炒香，令整體味道更濃郁，醬汁 帶少少蠔汁甜味，夠晒入味，食到最後再 撈飯 一齊食，真係 正到停唔到口！🤤📌 椒鹽鮮魷 🦑🌶️大排檔必點之選！鮮魷 炸到金黃香脆，入口爽口彈牙，外層 帶住椒鹽香，加埋微微辣度，真係超惹味！特別係配埋啤酒，真係有種 夜市大排檔feel！🍺🔥📌 女人街飯店海鮮煲 🦐🐟呢個煲入面有 蝦、魚柳、魷魚 等海鮮，醬汁煮得入哂味，帶少少 蒜香同蠔油香，海鮮 夠新鮮，唔會煮得過熟，魚柳滑溜，魷魚彈牙，完全係 飯煲殺手，一碗飯根本唔夠！🍚🔥📌 總結女人街食飯公司 成功做到 舊式大排檔風味，無論裝潢定食物都 充滿香港街

想食呢間新派大排檔好耐🥢次次都book唔到今次早兩個禮拜喺openrice成功book到呢度嘅嘢食係唔差嘅 有幾款都幾出色例如黑松露蝦多士、黑椒牛柳粒同咕嚕肉等等不過啲staff嘅態度真係可以再好啲🤣短期內應該唔會回訪了🙂‍↔️🙂‍↔️🙂‍↔️What we ordered:麻辣煎焗雞煲 $158 金沙脆鮮魷 $118黑椒蜜餞茨仔牛柳粒 $168 🌟黑松露厚蝦多士 $140 🌟魚香茄子煲 $108鳳梨懷舊咕嚕肉 $118 🌟

新派大排檔✨同buddies一齊享受Local food 零舍開胃🤤食下又傾下原來叫咗好多道😂 室內環境比起室外更舒適+乾淨 除咗港味濃厚 餐廳裝修都好kong 帶點昔日風情 餐具都好懷舊復古🤎嘢食每道都好有鑊氣 多人聚餐很推薦的一家！👍🏻

長期要等位的人氣大排檔 終於食到你!(最好提前book位~)有冷氣✅環境舒服✅適合打卡(霓虹燈牌/裝修懷舊風)✅✴️一班朋友聚舊不錯的選擇!1. 鹹魚雞粒豆腐煲 $108雞粒同豆腐切到好細粒無左啲口感但味道唔錯,好啱餸飯2. 八味脆鮮魷$98 呢碟最快清晒~唔洗多講3. 黃金軟殼蟹 $98比個名吸引到 都見好多foodie都有叫呢個餸 但一個字:好乾個人覺得基本上有80%係食緊蛋黃粉朋友一致認為好乾4. 鳳梨懷舊咕嚕肉$108 大排檔點可以少左咕嚕肉 酸酸甜甜好開胃,味道不過不失 可惜硬左少少同唔夠熱可能唔係即刻上檯回頭指數:🧡🧡🧡🧡/5後記:原本唸住同呀龔一齊黎食,但兩個人又食唔到好多餸: (所以最好同一班朋友食多幾款餸~順便有朋友幫我打卡!! 嘻嘻!(因為佢影相能力受到限制✏️呀豬

禮拜五walkin 5:30到，等一小時三十分鐘門口接待既staff態度好差 問仲有幾多張檯又唔答 就叫我啲繼續等因為成班朋友嚟諗唔到食咩，所以食呢間。嘢食中規中矩墨魚餅好難食，份量偏細，得黑松露蝦多士好味價位偏高六個女仔食人均300 係冇嗌酒水同飲品嘅情況下 🥲如果鍾意食大排檔呢個價位有更好嘅選擇環境方面，用咗大量霓虹燈做裝飾，食飯嗰日見到大部份都係遊客嚟食呢間餐廳，如果係嚟香港旅行都幾值得嚟打吓卡📷但如果本地人我就唔係太推薦呢間，除非你有時間排隊或者嗰日唔需要排隊。

晚上10點入座，唔知個廚房係因為收工定點，叫咗個蒸扇貝粉絲，一啲味都冇，炸蠔餅，明顯係好大浸千年油嘅味，軟腍腍好難食，嗌咗個薑蔥鯇魚腩煲，過熟，魚又硬又乾，唯一可取就係個蠔仔粥🫠👎🏼👎🏼👎🏼👎🏼👎🏼

夜晚食飯想食大排擋又唔想無冷氣，依間位於女人街樓上餐廳就最好，店內裝修好靚，好有舊年代嘅感覺，涼住冷氣食飯。黑椒蜜餞茨仔牛柳粒，薯仔大大粒，牛肉好鬆軟，味道方面不錯砂煲臘味豬油撈飯 臘味飯唔算好鹹，有飯焦，臘腸好味八味脆豆腐 炸蒜配炸豆腐，口感柔軟又香脆，配酒一流

又有啲Old news, 旺角出哂名嘅排檔小菜，真係久仰大名，今日終於嚟試，食之前十分期待！🇭🇰論裝修、氣氛、環境都充滿港式風味，簡直一流，但食物味道同我印象中大排檔嘅味道則係兩回事😥〰️〰️〰️〰️〰️〰️〰️〰️〰️〰️〰️👌🏻黑松露蝦多士 $140/5件呢到炸嘢整得幾好，新鮮香口。蝦肉扎實彈牙，淡淡松露味，價錢偏貴吧（？）👌🏻鳳梨咕嚕肉$118咕嚕肉香脆嘅，菠蘿好酸，但個甜酸醬就無乜酸味，變咗就算掛汁都無嗰陣咕嚕甜酸汁味。👌🏻👌🏻黑椒牛柳粒 $168薯仔外脆內粉，粒粒有蜜餞，好食嘅。牛肉厚肉軟腍，稍微咸咗啲。👌🏻金瑤扒豆苗 $138正常發揮，嫌芡汁有啲厚，普通其他餸都係，但汁夠厚又唔濃汁㗎喎，吹脹，個口感好怪。👎🏻👎🏻 XO醬馬拉盞芥蘭煲 $98看似正常⋯但佢該有嘅味，都係無嘅。我係而家睇返先知係XO醬馬拉盞炒⋯⋯肉碎、乾蝦、芥蘭嘅味道各自為政，芥蘭無炒香味，唔爽脆，好似烚熟之後放落個煲咁。試咗嚿蝦乾，鬼死咁咸，但無出過個蝦乾味落個煲到。👎🏻 八味脆鮮魷 $108個八味喺邊到？唔香口唔厚肉，細細塊勁唔過癮，個味似就咁炸完淋啲炸蒜上面，唔夠香口惹味。個汁都唔好食，唔似醋又唔似喼汁👎🏻👎🏻 豉椒炒花甲 $

一直聽聞呢間懷舊大排檔，但一直都未的起心肝去試，直到近日咁岩經過，又見只係需要等三張枱就試下啦（平日，晚上約7點）等位時無野做睇下食評，見好多comment 話侍應態度差，野食一般，都有d 擔心，不過都嚟到門口，又試下你咩料啦🫢一入到去已經俾佢嘅裝修吸引咗，畢竟有歷史痕跡嘅地方已經買小見小，再望下，連汽水都係細支玻璃樽版😍😍自細已經覺得細支版係特別正。由於今次得兩個人食，所以唔敢叫太多，一個炒麵，一個杏汁豬肺湯，椒鹽粟米，咕嚕肉同一個菜已經係極限。好快d 餸已經上枱。先講個湯，真係不得了，份量超多（5,6個人飲都得）湯料亦好足，湯清甜，好香杏汁味，洗豬肺係好麻煩嘅事，無估到餐廳都會洗得咁乾淨，驚喜！椒鹽粟米炒得乾身，椒鹽味夠香，大排檔夠獲氣嘅水準。炒麵，用我自己個人比較中意嘅幼麵，乾身唔油，配埋辣椒醬，正～咕嚕肉同個菜就一般野，唔特別出色亦唔難食。最後d 野食唔曬要打包，啊姐態度非常好，仲主動提我包走湯料，話係好野喎😂😂整體價錢合理，下次經過會為左個湯再入嚟😝