伽倻韓國餐廳 (已結業)

星期六兩個人食午餐，選擇十多款。服務需要大大改善，落單叫了差不多五次先有人埋嚟，仲要呆樣冇笑容，同佢點完之後先知佢聽唔明，要講英文。再叫多次之後又冇乜反應。唔會添茶，茶水只係室溫。BBQ啲肉(豬肉)調味好，紫菜湯太鹹，伴菜好味但生菜 kimchi 太少。問可唔可以加多小小生菜就話要另叫加錢（一碟豬肉份量大慨兩個拳頭咁多，但生菜份量只有3至4塊）。什錦石鍋飯嘅菜尚可，飯太硬，份量尚可。甜品唔差(芒果刨冰加雲尼拿雪糕)，有少少荔枝味，芒果都幾甜。叫咗兩個set lunch總數係大慨$290，價錢尚可。