山本屋 (海運大廈)

營業中

休息中

三點時分，門口冇人排隊，我同朋友兩個行入去話兩位，員工已經愛理不理，完全好似當我哋透明，然之後再問多次，態度不厭其煩咁同我哋講：「差評等等先啦！」，我哋就企喺度等啦，員工再同我講：「借過少少喇！」 本身已經真係好想走，但係朋友又好想試吓，咁我哋就繼續等，等咗5分鐘左，我哋坐低咗，點餐食嘢，每人嗌咗一個親子烏冬，烏冬麵即係幾彈牙，湯底偏酸，入邊有腐皮雞肉，腐皮幾入味幾腍，雞肉鞋口，勝在烏冬麵質係幾好。喺海港城食嘢，真係從未試過態度差得咁離譜！再唔檢討吓都唔知呢間舖會捱得幾耐！完！