Deer Kitchen (荃新天地) (已結業)

慶祝另一半生日，訂咗Deer Kitchen食嘢。一入去，比OpenRice前台個男人睇，入座。唔知個男人係老闆定經理，態度惡劣、語氣差、黑口黑臉，完全無迎賓應有嘅態度，即時已經破壞咗我當晚嘅心情。當晚嘅侍應亦係零服務、講嘢細聲，唔識待客。人魚之淚 $52 咁呢杯係有芒果、鮮奶、蝶豆同爆爆珠。我自己就覺得佢調得唔係幾夾，唔好飲。最令我唔滿意嘅係，呢杯嘢個份量真係細得交關，飲幾啖已經冇晒。細細杯扮高級，又唔係特別好飲。我寧願飲出面嗰啲化學手搖，人哋起碼大大杯。荔枝魅影  $48呢杯就好飲啲，不過都只係好街邊汽水少少。和風鰻魚牛油果薄餅 $168正正常常，幾好，當係前菜咁食。啤酒漿炸鱈魚薯條配他他醬 $178鱈魚薯條+檸檬汁 鮮甜、脆口，好食，唔錯。熔岩雞翼山 $148$148嘅雞翼，食落去只係比M記好少少，唔值148呢個價。我自己燒 然後落啲芝士都可以做到同樣效果。火焰西班牙黑毛豬肋骨 $288感覺同$150－200嘅豬肋骨差唔多水平，未好食到$288嘅地步，份量少，骨多過肉。總結埋單總數 $970，最唔滿意係服務態度，由門口到食完離開，成個過程都無感受過應有嘅服務態度，一眾員工一係就黑