影片
更多
2018-02-24
6471 瀏覽
為咗就老公放假同埋無咁多人，終於喺23號位於會展嘅薈景可以補祝情人節喇。餐廳座位舒適，雖然窗外無景色，但坐喺大玻璃旁感覺唔錯，職員服務態度好又有笑容，有禮，收碟快，食物方面款式多食材新鮮而且味道都唔錯。每次可拎三隻即開生蠔，排隊嘅客人唔多，蠔肉新鮮爽脆但偏鹹偏瘦。海鮮吧海鮮每樣都唔錯。翡翠螺肉比較細但爽口新鮮，翡翠螺同青口稍有調味，令鮮味更突出，龍蝦肉質結實唔韌，蟹腳鹹味適中而且鮮甜。之後有出花蟹仔，見肉唔多就拎。新鮮嘅刺身，壽司以自助餐嚟講係好味。好大隻嘅焗蠔有芝士焗蠔同煙肉焗蠔，味道一般。牛尾肉比較少而且炆得未夠淋。羊架都不錯。我覺得好味嘅係嘅係：越式香茅雞翼好滑好入味。燒牛肉，真係好嫩，唔韌，唔會有渣。蟹腳燒得唔乾，有一種微微嘅鹹帶出鮮味。鰻魚大大串，啖啖肉，兩樣燒物喺自助餐都比較少有，好味。甜品相比下就無咁出色，無咁花心思。食埋回本嘅Movenpick雪糕，滿足嘅情人節自助餐完結 。
每次可拎三隻即開生蠔，排隊嘅客人唔多，蠔肉新鮮爽脆但偏鹹偏瘦。
海鮮吧海鮮每樣都唔錯。翡翠螺肉比較細但爽口新鮮，翡翠螺同青口稍有調味，令鮮味更突出，龍蝦肉質結實唔韌，蟹腳鹹味適中而且鮮甜。之後有出花蟹仔，見肉唔多就拎。
新鮮嘅刺身，壽司以自助餐嚟講係好味。
好大隻嘅焗蠔有芝士焗蠔同煙肉焗蠔，味道一般。
牛尾肉比較少而且炆得未夠淋。
羊架都不錯。
我覺得好味嘅係嘅係：
越式香茅雞翼好滑好入味。
燒牛肉，真係好嫩，唔韌，唔會有渣。
蟹腳燒得唔乾，有一種微微嘅鹹帶出鮮味。
鰻魚大大串，啖啖肉，兩樣燒物喺自助餐都比較少有，好味。
甜品相比下就無咁出色，無咁花心思。
食埋回本嘅Movenpick雪糕，滿足嘅情人節自助餐完結 。
張貼
