Venedia Grancaffe

營業中

休息中

本身book咗同個客食飯六個人本身有四個人叫咗three courses set lunch , 兩個人各自叫咗一個Pizza。 叫完之後佢走嚟好串咁同我哋講話平時如果叫set, 其他人都要一齊叫 ，今次唯有做俾你！ 過咗都冇1分鐘再有一個人用英文過嚟再講多次！ 感覺上呢件事真係好重要。 其實如果你講話唔得我哋轉返set其實冇問題。 但係成件事最後講到情緒勒索咁樣， 老實講食得都已經唔舒服。 仲有我問你攞Menu嘅時候你無同我講！ 你expect我會知？ 上菜嘅時候waiter用大聲過茶記嘅聲，不停講野。 仲要話因為sofa太遠換唔到刀叉, 不停將成set餐具隊俾我哋叫我哋自己換， 再俾返原本嗰啲佢。 同客食飯傾緊偈，中途不停打斷我哋講嘢。 中途仲要不停問我哋對嘢食新menu嘅意見。最後個客都忍唔住同佢講問佢可唔可以俾我哋自己傾陣偈先。 自己嚟講真係唔會再去， 如果仲要同客食飯嚟呢度真係不了。 首先呢間餐廳，lunch 講真唔可以話係平啦，埋單都差唔多$500一個人一set, 你俾啲咁嘅服務質素我$50都比多你啦。