漁樂場

營業中

休息中

好多朋友約聚會都會提議呢間餐廳，因為又有表演睇，而且又有酸菜魚食，價錢仲好平添，今日我哋又來聚會啦。首先我哋就叫咗必叫嘅酸菜魚，因為佢嘅份量好大，而且唔會太辣，所有人都食得。佢嘅魚片唔係雪藏嘅魚，食落好新鮮，而且酸菜嘅調味好好，唔會太辣，酸酸地非常開胃。另外仲叫咗唔少串燒，我自己就最鍾意呢個燒大大茄子，因為佢嘅份量好多，三至四個朋友食都夠食。而且蒜蓉味非常襯酒，可以一路睇住表演一路飲酒。今次第一次試呢個炸豆腐，估唔到都好出色，食落唔會好油膩，感覺好健康。食咁多肉類嘅串燒，真係要食啲豆腐或者蔬菜啊。職員介紹最近有呢個瑤柱蔥油走地雞，而且仲有優惠價，見今日多人就試吓啦。佢嘅價錢都非常平，唔使$100就有好大隻雞。食落好有驚喜，佢嘅雞肉非常嫩滑，而且襯埋啲蔥油好夾，又係非常適合送酒。