御膳

營業中

休息中

首先上咗個湯，見到佢放咗唔少魚落去熬湯，都是得出魚味，但係唔鮮。啲魚大嚿得來，冇乜肉食。其次，第二樣係叫做大肉蟹，有兩隻。店員有問我哋prefer咩方法烹調，但由於我哋有選擇困難症，所以店員Offer左可以一隻係各用一個烹調方式。一隻係蛋白清蒸，務求盡量保持佢原本嘅鮮味。另一隻手係想迎合鍾意食啲口味重啲濃啲嘅朋友，揀咗避風塘炒蟹。兩種都各有特色，但係啲蟹嘅肉實在唔多，兩種蟹相對起嚟會係蛋白清蒸比較鮮甜好味啲。個蒜蓉蒸蟶子皇幾出色，蟶子好大隻，蒜蓉炒好惹味，好香。呢個七人嘅套餐仲有士多啤梨骨、招牌御膳炒飯、西蘭花炒花枝，仲有金華玉樹雞半隻。呢幾樣餸都唔太出色，個士多啤梨骨同平時嘅甜酸排骨差唔多。反而係隻雞比較嫩滑啲。最後嘅甜品係用芒果布甸結尾，都係偏甜。