更多
2023-03-27
51 瀏覽
灣仔哩間以自家製作嘅house dry-aged steak🥩為主打菜色嘅韓國餐廳🇰🇷已經吾系第一次聽,餐廳走中高檔路線,最吸引食客嘅莫過於不時推出不同嘅steak omakase set,除咗晚餐嘅set,原來佢哋嘅午市套餐都有吾少選擇,低至$92已經有交易💰,亦會有燒肉提供,識食就知更抵食🤩,仲一星期七日都有提供,在附近搵食真係又多一個好選擇~Steak Omakase Selected Cuts ($720/位,兩位起) *****▶️前菜*****✨前菜五小碟🍽️韓國菜指定動作,前菜種類多樣,欣賞個泡菜鮮甜爽脆。✨季節沙律🥗酸咪咪好開胃,為之後較肥膩嘅肉類打好個底✨醬油盛合🦐醬油生蝦及帶子由辣椒、蒜頭及醬油醃至入味,鹹鮮加上少許微辣嘅口感,味蕾過足癮!*****▶️House Dry-aged Steak Omakase*****經店長介紹,燒肉時應由比較瘦嘅肉類開始燒起,所以整個platter按順時針方向先食牛小排、豬梅肉、肉眼、最後到五花肉,是味覺上的享受~✨牛小排 / 豬梅肉 / 肉眼 / 五花肉🥩🍖在講食物之前要先讚讚職員嘅service,每一枱都會有職員幫手燒,仲會一邊燒一
Steak Omakase Selected Cuts ($720/位,兩位起)
*****▶️前菜*****
✨前菜五小碟🍽️
韓國菜指定動作,前菜種類多樣,欣賞個泡菜鮮甜爽脆。
✨季節沙律🥗
酸咪咪好開胃,為之後較肥膩嘅肉類打好個底
✨醬油盛合🦐
醬油生蝦及帶子由辣椒、蒜頭及醬油醃至入味,鹹鮮加上少許微辣嘅口感,味蕾過足癮!
*****▶️House Dry-aged Steak Omakase*****
經店長介紹,燒肉時應由比較瘦嘅肉類開始燒起,所以整個platter按順時針方向先食牛小排、豬梅肉、肉眼、最後到五花肉,是味覺上的享受~
✨牛小排 / 豬梅肉 / 肉眼 / 五花肉🥩🍖
在講食物之前要先讚讚職員嘅service,每一枱都會有職員幫手燒,仲會一邊燒一邊介紹吾同種類嘅肉,點樣燒先最好味等等,除咗滿足個胃之外,食完一餐,都覺得對肉類同烹飪時嘅處理方法有咗更多認識。
四種肉各有千秋,朋友同我就最中意肉眼,肉香集中,一口咬落多汁甘甜,軟嫩度非常出色。而熟成後的肉類烹調時似乎更易上色,外皮焦脆又能有效地鎖住肉汁,很特別的體驗。豬肉方面五花肉表現令人驚喜,熟成過後,即使完全沒有醃製,燒時會聞到鹹香嘅氣味飄出,油份在燒烤時溢出,燒好後反而吾會覺得太肥膩,沾上豆瓣醬,用生菜包裹,一啖入口,好正!
*****▶️主食*****
✨八爪魚飯🍚
八爪魚切成片狀鋪滿飯面,利用石鍋嘅熱度將米飯煮得微焦,米飯嘅香氣加上鮮嫩嘅八爪魚👍🏻~
*****▶️甜品*****
✨韓式米酒提拉米蘇🍰
第一次試由米酒製作嘅提拉米蘇,味道好特別,酒味吾會太重,但聞落好香,入口柔軟滑順,感覺輕盈~
*****▶️飲品*****
✨花生米酒🥣($108/支),用碗裝住嚟飲,十足十嘅韓風~酒精度吾太高,花生味濃郁得嚟朋友竟然飲到朱古力嘅後調,又幾特別~
✨荔枝梳打🍹($58),凍冰冰又幾清新,配燒肉解膩一流~
餐廳最近仲推出咗dry-aged special套餐,除咗大家比較多見嘅牛,佢系用鴨嚟做主題,鴨胸、鴨腿、鴨心、鴨腎,再加一塊牛小排,等你一次過嚐足咁多款風味,想試記得book定位喇!
張貼