影片
更多
2025-03-04
817 瀏覽
我地嗌左5道菜，7道菜各一set。沙律魚子醬意大利黑醋煙三文魚用煙三文魚包住新鮮嘅沙律菜，上面加上少少微酸嘅意大利黑醋以及黑魚子。作為第一道菜，最重要嘅作用係打開味蕾，呢個沙律完全做到呢個目的。溫泉蛋用咗可以生食嘅蘭王蛋去做，蛋味濃郁之餘口感係超級滑。底下配以白松露，松露香氣充斥住成個口腔，面用左少量黑魚子既鹹鮮味輕輕點綴，呢個配搭互相襯托得好好。如果選擇五道菜，海鮮可以四選二：扇貝、東升斑、鮑魚、帶子。如果選擇七道菜，海鮮可以六選二，額外兩個選擇係白鱔、虎蝦。鮑魚新鮮鮑魚口感嘅咬感係恰到好處，配埋香蒜及牛油，唔使好複雜嘅配搭已經十分惹味。帶子煎到半熟嘅帶子，口感剛剛好。配左少少黑魚子，微微既鮮鹹香更加突出咗帶子嘅鮮甜味。白鱔外皮香脆，肉質爽脆。輕輕用鹽味去配搭成件事已經好好味。先將一半直接就咁品嚐，另一半配少少七味粉去食，喜歡辣嘅朋友應該更加喜歡加七味粉嘅食法！虎蝦煎到肉身香脆嘅新鮮虎蝦，配番自己濃香鮮甜既嘅蝦膏去食，絕對係鐵板燒必點嘅海鮮之一。澳洲牛柳粒嗌咗medium嘅熟度，外面剛好煎到有恰當嘅梅納反應，裡面係嫩滑有d似吞拿魚赤身嘅口感，完全唔會覺得有靭嘅感覺。配左炸蒜片、Was
我地嗌左5道菜，7道菜各一set。
沙律
魚子醬意大利黑醋煙三文魚
用煙三文魚包住新鮮嘅沙律菜，上面加上少少微酸嘅意大利黑醋以及黑魚子。
作為第一道菜，最重要嘅作用係打開味蕾，呢個沙律完全做到呢個目的。
溫泉蛋
用咗可以生食嘅蘭王蛋去做，蛋味濃郁之餘口感係超級滑。
底下配以白松露，松露香氣充斥住成個口腔，面用左少量黑魚子既鹹鮮味輕輕點綴，呢個配搭互相襯托得好好。
如果選擇五道菜，海鮮可以四選二：扇貝、東升斑、鮑魚、帶子。如果選擇七道菜，海鮮可以六選二，額外兩個選擇係白鱔、虎蝦。
鮑魚
新鮮鮑魚口感嘅咬感係恰到好處，配埋香蒜及牛油，唔使好複雜嘅配搭已經十分惹味。
帶子
煎到半熟嘅帶子，口感剛剛好。
配左少少黑魚子，微微既鮮鹹香更加突出咗帶子嘅鮮甜味。
白鱔
外皮香脆，肉質爽脆。輕輕用鹽味去配搭成件事已經好好味。先將一半直接就咁品嚐，另一半配少少七味粉去食，喜歡辣嘅朋友應該更加喜歡加七味粉嘅食法！
虎蝦
煎到肉身香脆嘅新鮮虎蝦，配番自己濃香鮮甜既嘅蝦膏去食，絕對係鐵板燒必點嘅海鮮之一。
澳洲牛柳粒
嗌咗medium嘅熟度，外面剛好煎到有恰當嘅梅納反應，裡面係嫩滑有d似吞拿魚赤身嘅口感，完全唔會覺得有靭嘅感覺。
配左炸蒜片、Wasabi、竹炭鹽，每一粒牛柳粒都可以試唔同口味同口感配搭。
宮城縣厚切黑豚扒
豬味濃郁，肉質細嫩有嚼勁，煎得香氣撲鼻，口水都流晒！配左菠蘿辣菜汁同蒜香奶油，前者甜中帶微辣，後者惹味Creamy，兩個配搭都好夾呢一塊黑豚扒。
湯品
豬骨湯底做嘅豆腐麵豉湯，加左海苔。質感薄薄地，偏清淡少少嘅湯品，剛好可以balance番頭先main course嘅油膩感。
黑松露炒飯
熱辣辣香噴噴嘅炒飯，鐵板燒嘅炒飯有足夠嘅熱力令到每一粒飯都係粒粒分明。加上黑松露鹽蒜蔥等配料混合，味道同口感嘅層次都好豐富。
乳酸雪糕配爆珠紅豆
乳酸雪糕嘅微微酸甜味正好中和返成餐鐵板燒嘅油膩感。爆珠紅豆係一放入口就有「爆」嘅感覺，然後流出紅豆沙，係一份好有驚喜嘅甜品。
張貼
