更多
2023-04-29
1410 瀏覽
上次去完旺角某間有點心車嘅傳統酒樓，嗌晒中伏😞朋友即刻諗起德福美心，話呢度都有點心車😂於是約好要來幫襯之後，今日終於來😎九點半左右，朋友好醒目咁係app攞位~結果我地十點到果陣，就有得入座了😏一坐低，已經有staff問飲乜茶🍵坐低睇一睇餐牌，因為係假期，所以價錢都會貴D😣staff開左張卡，就可以搵點心車攞野食~開頭個陣，點心車比較少，同埋唔知點解活動範圍比較細，所以我地要走好遠去攞野食😢直至後期，可能多左員工返工，點心車嘅種類同出沒次數都多左好多😂🐷香芋燒腩卷、🍰南瓜千層糕香芋燒腩卷比較扁身，個包好軟熟😍入面有一小塊🍠芋頭同🐷燒肉~整體感覺一般，純粹因為唔係度度有，所以就叫了😂🍰南瓜千層糕係因為未食過，想試先叫😂叫個陣都唔知係乜，開籠先知原來係呢隻蒸糕🙈有D似馬拉糕，微微南瓜味，唔會好甜😋🦀蟹子燒賣燒賣大大粒，夠晒吸睛😳咬落啖啖肉，唔錯😋🐮柱候牛孖根呢個係其他地方完全未見過😳見幾特別，自己又鍾意食牛筋，就叫了😏牛筋份量多，味道濃，少少辣，又唔會整到好腍，幾好食~下面有幾塊豆卜墊住，索晒D汁，正👍🦐蝦籽扒柚皮呢個純粹見係懷舊野，自己又未食過先叫~但自己真係唔識欣賞😝柚皮係幾索汁嘅~但質
朋友即刻諗起德福美心，話呢度都有點心車😂
於是約好要來幫襯之後，今日終於來😎
九點半左右，朋友好醒目咁係app攞位~
結果我地十點到果陣，就有得入座了😏
一坐低，已經有staff問飲乜茶🍵
坐低睇一睇餐牌，因為係假期，所以價錢都會貴D😣
staff開左張卡，就可以搵點心車攞野食~開頭個陣，點心車比較少，同埋唔知點解活動範圍比較細，所以我地要走好遠去攞野食😢
直至後期，可能多左員工返工，點心車嘅種類同出沒次數都多左好多😂
🐷香芋燒腩卷、🍰南瓜千層糕香芋燒腩卷比較扁身，個包好軟熟😍
入面有一小塊🍠芋頭同🐷燒肉~
整體感覺一般，純粹因為唔係度度有，所以就叫了😂
🍰南瓜千層糕係因為未食過，想試先叫😂
叫個陣都唔知係乜，開籠先知原來係呢隻蒸糕🙈
有D似馬拉糕，微微南瓜味，唔會好甜😋
🦀蟹子燒賣燒賣大大粒，夠晒吸睛😳
咬落啖啖肉，唔錯😋
🐮柱候牛孖根呢個係其他地方完全未見過😳
見幾特別，自己又鍾意食牛筋，就叫了😏
牛筋份量多，味道濃，少少辣，又唔會整到好腍，幾好食~
下面有幾塊豆卜墊住，索晒D汁，正👍
🦐蝦籽扒柚皮呢個純粹見係懷舊野，自己又未食過先叫~
但自己真係唔識欣賞😝
柚皮係幾索汁嘅~
但質感上有D奇怪，雖然你諗一諗佢真身係柚子皮的話，你會理解到係呢種質感，但我接受唔到😣
朋友反而覺得幾好食🤷♀️
🦀釀蟹鉗開頭冇乜興趣，直至見到隻隻蟹鉗都咁漲卜卜😍
大大舊，啖啖肉~
下面仲有D🦐蝦片~
衰在係室溫，如果熱熱地就更好了😂
香滑麻蓉包呢個又係傳統點心，唔係度度有~
來之前已經諗好有的話要試😂
等左好耐，去到中後期終於見到有麻蓉包🤦♀️
包身幾軟熟，幾重麻蓉香，又唔會好甜😋
不枉等左咁耐😂
芝麻卷呢個係朋友話呢度必食，又係去到後期先出現🤦♀️
好重黑芝麻味，冇渣👍
唔硬，真係冇介紹錯😂
炸沙翁呢個又係開頭話想食嘅，一路都冇見到，以為冇賣😂
去到最後先見到有點心車推出來🤦♀️
雖然好飽，但頂硬上叫左🙈
佢同出面嘅炸沙翁有D唔同，實心嘅😳
自己對沙翁興趣不大，單純見懷舊而叫的~
但朋友話幾好食😋
🥛薑汁雙皮奶o岩o岩入座就成日見到呢個甜品，但食到中期後又一路都冇見到😞
等左好耐先又出現返😖
食到微微薑味，唔會好甜~
但又唔覺有兩層皮，似食燉奶多D，不過幾好食👍
最後坐左兩個鐘左右就埋單走了~兩位盛惠 $501.6，總共食左10個點心😂
食物幾高質，好多點心都好好食😋
服務上，樓面人手不足，早段時期冇乜見過樓面，去到十一點後先開始見到多D人手🤷♀️
所以我地多數都係自己加水😣
價錢上有少少貴，但食物高質，又有點心車睇，幾值得來，下次會再同屋企人來😂
張貼
