美心皇宮 (德福廣場1期)

失望嘅晚餐-德福美心皇宮Fb:下一站豬欄; IG@Pig7station見AE card 有優惠，就試吓美心皇宮，平日夜晚唔使排隊，主餐牌有2-3位有6折😀就點左幾個小菜，椒鹽排骨、粟米石斑同小炒王，讚一讚小炒王嘅蝦係幾彈牙，椒鹽排骨基本上如果無同表面嘅味粉一齊食，排骨係冇味😅另外粟米石斑，石斑炸得唔夠香脆，石斑好似冇調味咁🫠好似唔夠人手，職員叫咗幾次都冇人招呼，食物方便真係麻麻🫣如果冇優惠就更加唔值🥲…查看更多

昨日有親戚到來，附近都唔知有咩酒樓，美心大牌子應該信得過卦，於是近近地走去美心皇宮食，見到食評都算可以，好過沙田果間好多，沙田分店食到我怕怕了，點知食就出事了，點了叉燒唔熱的，燒煵仔個皮唔脆，同早上利苑食的燒苑真系幾何級數的區別，乳豬食落去一陣蘇味，紅燒豆腐仲要酸酸地，唔怪得大家都北上消費，真系食緊垃圾，其他餸菜都唔系好掂，d菜式又貴又少又唔好食，真系貼錢買難受，仲要食完今早疴到我七彩，好彩都系試一次，我永世唔會再去所有美心皇宮的店…查看更多

上星期同屋企人去咗德福廣場嘅美心皇宮飲茶，感覺真係好正！一入去就見到點心車慢慢行過嚟，車上面嘅點心牌一目了然，望到有咩好食即刻心動。點心姐姐好親切，會主動問你想唔想試車上嘅點心，仲會幫你拎碟同蓋印仔！必點當然係蝦餃，皮薄得嚟唔易爛，蝦肉彈牙鮮甜，一口一粒真係滿足到爆。不過蝦餃唔係跟車出，要寫點心紙先有，略為麻煩但值得等。其他點心如燒賣同叉燒包都好食，燒賣夠juicy，叉燒包鬆軟香甜。環境乾淨企理，服務態度唔錯，價錢大約每人$70-$80，早餐黎講真係抵食。！…查看更多

飲過幾次早茶，不過不失，第一次食晚市，差到一個點，真係無下次，如果可以，真係連第一次都唔想黎！book左星期五晚7點半食飯，裡面客人唔算多，原意係諗住屋企人簡單食一餐飯，order 5個餸，4個餸都話無，話全部賣曬。嗌個芋頭鴨，話賣曬，唔緊要，嗌碟豆腐都係無，嗌蝦都係賣曬，淨係得蝦球，明，急凍阿嘛，食個青菜，又話無金銀蛋，只可以上湯煮。老老實實，唔係見出邊落雨，真係想走人！求其嗌左幾個，上到黎既菜色都係唔得燒味拼盤係凍既，叉燒係鞋到咬唔到，我直頭吞都吞唔落，仲衰過我係街市買，燒腩仔送到黎d皮係淋既，仲要係我比多20蚊轉既咕嚕肉普普通通，送上黎唔係熱既，不過至少比燒味暖，我係咪應該偷笑上湯莧菜，姐係普通烚菜，正常味道香芒脆蝦球，起碼送上黎係熱既，味道就係普通的沙律炸蝦球，但相比起以上個幾碟，已經算係今日之最人生第一次打食評就奉獻左係度，我唔知其他人係點，亦都可能係得我唔好彩，但我一定絕對唔會再幫襯，反正睇佢客人都唔多，執左佢轉其他食肆仲好過la🙂…查看更多

美心皇宮的吸引點之一一定係點心車飲茶，坐係度望下望下，見點心車行近就自然地瞄著點心車前的點心牌看看有甚麼心頭好點心姐姐又左望右望，望望那位客人要點心有時又會主動問客人要唔要車上的點心睇啱便揮動一下點心卡，叫出想食的點心點心姐姐聽到後便停車，送上點心，並在卡上吸印仔，成件事有互動，充滿儀式感，很有趣我而家飲茶必食蝦餃。少時家貧，到酒樓只能享用小點點心，但眼見鄰枱食蝦餃，總是很想食，呢種渴求漸漸變了我心內無底的心靈需求。第一次食蝦餃，已是成年時，我到酒樓自費一籠蝦餃，不想與人分享，一粒接一粒的放入口，很滿足。之後，我逢飲茶，都必叫蝦餃出場。美心的蝦餃，皮厚薄適中，夾起時不易穿爛，蝦肉結實爽彈，一口一粒，人生一樂事。提一提，美心蝦餃不是隨便跟車出場的，佢都算大牌，通常要客人寫點心紙邀請佢出場先會遇見。…查看更多

去了九龍灣與家人食美心皇宮食晚飯點了個乳豬三併$228，菠蘿咕嚕肉$138元&海味雜菜煲138元乳豬和白切雞是ok的，但义燒是冰凍硬實的，味道也很一般。海味雜菜煲味道和份量正常， 菠蘿咕嚕肉份量就偏少，但味道都算好食。只能說，成在小菜，但敗在燒味！！！！！！！！ 另外，人手十分不足，侍應只有3人，我對着侍應輝手示意點菜，侍應2次竟然對住我掉頭走，我還以為是去了美心MX!!!服務真的極需改善！！！！！！…查看更多

九龍灣 美心皇宮大酒樓，收$18一位茶錢。鐵觀音茶包，啲茶一浸紙味。收$18一位茶，應該可以俾到茶葉。咁大間集團，冇理由做唔到！唔好怪香港人北上消費，係本地餐廳冇做好啲，留唔住啲客！…查看更多

好多人都想懷舊一下，食返餐用以前推車仔形式嘅點心早茶。除咗一啲好出名遊客都會去嘅茶樓之外，其實美心皇宮嘅早茶都係推車仔㗎。今日係閒日，10到去到酒樓，完全唔使等。佢門口地方唔大，但係裏面空間原來好大，有好多枱任你揀嚟坐。叫咗燒賣、牛肉球，叉燒腸粉、炸芋角、金錢肚同埋鳳爪排骨飯。牛肉球肉多粉少夠鮮味，叉燒腸粉皮太軟一夾就斷，叉燒亦比較少。炸芋角唔係度度有得食，呢度炸得鬆脆唔油膩。金錢肚好厚身，但仍然夠腍，食得出幾新鮮。原來除咗推車仔之外，喺酒樓中間位置重可以攞到一啲特色食物，下次嚟記得喺度攞埋甜品先😅…查看更多

昨天，約同與兩位老友記看電影「哪吒鬧東海2」， 看畢後到德福商場「美心皇宮」嘆下午茶，吃過幾款味道不錯的點心後， 最後點選乾炒牛河，上菜後，兩位老友邊傾邊挾河粉，我也跟隨， 此刻，我發覺沒有牛肉，於是我立刻請朋友不要吃，看看碗裏有冇牛肉， A朋友的碗裏有細一片牛肉，B朋友和我碗裏沒有牛肉， 碟子中餘下少量河粉也沒有牛肉，我請來女侍應了解情況後， 朋友要求退回並改選濕炒牛河，我們對今次的偶遇感覺有趣， 也相信可能不會有機會再遇上，今次的情況相信有可能廚師一起炒兩、三碟， 大意將牛肉分不匀均，也有機會是自動炒鍋出了小意外， 但無論真正的原因是甚麼，也無損我們的下午茶興緻。…查看更多

飲靚早茶， 食好味嘅點心， 開工心情都好啲。 食左好多年，酒樓點心質素平均，樣樣野都幾好，自己最推介燒賣/ 蝦餃/鮮蝦腸粉。早上不會太多人，感覺不俗， 是早餐飲茶的首選。…查看更多

食佐個特價78元（原價128元）的節瓜粉絲煲，不知所謂，節瓜切絲幼到見吾到，蝦米極細粒，全煲煑乾到無湯汁又無味，大厨敢將佢上枱，服佐佢。想知佢地嘅總厨或管理層有冇試過？美心翠園都是有品牌的本地酒樓，怎可以如此媽虎？廚師可以試試其他小館煑的節瓜粉絲煲是怎樣的，吾客氣講，我自己煑的好過佢，若是價錢做不到更好便不要推出。…查看更多

要食中菜，有飯有雞有魚 相信酒樓都係不二之選原先諗住去淘大嗰邊，點知行暈晒幾間中菜都爆曬 最近就係走返去德福囉。而美心亦都係其中一個選擇不過真係唔知點解今日周圍都咁多人嘅呢一家有大有細，有老有嫩，細佬好快就叫晒餸，啱晒一家大細其中有蒸魚啦，脆皮雞、咕嚕肉、龍蝦伊麵，上湯菜心，椒鹽鮮魷、琵琶豆腐，鮮淮山炒蝦仁🍤其實龍蝦伊麵我就麻麻哋嘅，最吸引我都係個椒鹽鮮魷，脆皮雞都唔錯，蒸魚都好滑最特別我覺得係個琵琶豆腐嘅，好似出邊好少有得食 不過又似乎冇想像中咁好食 本身我係鍾意食豆腐嘅人。總共食咗千八蚊左右 （七大兩小）值唔值？睇吓同邊間比啦，自己衡量吓…查看更多

無厘啦喂又走去美心中菜食咗一餐晚飯成為$500其實冇乜特別㗎，唔係咩特別慶祝日子，因為媽媽話落去細佬度睇個孫，我就問佢會唔會一齊食飯，諗住佢想食媽媽嘅包雲吞順便可以響佢屋企整埋，點知佢話唔好搞咁多嘢直接出街食揀咗呢度係老婆想食喎 有蒸魚同埋雞雞啱佢個女食 上菜速度非常快嘢食都中規中矩啦，我哋四個大人一個小朋友叫做一個孖寶：片皮鴨加蒸魚「星期一至五有優惠價$398」另外又想食咕嚕肉，再嗌多個雜菜煲同埋BB雞埋單$999 咕嚕肉其實冇乜特別，所以下次唔使嗌片皮鴨都食唔晒 （我都食咗三件）雜菜煲都幾足料嘅，不過出街食菜都係唔抵食㗎啦BB雞呢佢就俾咗個雞髀位我哋，不過BB女食雞雞都係食雞胸肉比較適合啲（人哋恨不得加錢要雞髀😝）最弊係冇冷氣囉，安排咗我哋坐嗰角落頭位，可能有小朋友驚嘈啦！有$100 coupon都幫補唔到啲乜😅😜…查看更多

同事嘅birthday lunch由佢自己發辦，話想去呢度飲茶。點心都係由佢話事，因為呢一間有推車仔揀完一輪返嚟結果有以下嘅點心鵪鶉蛋燒賣，牛柏葉、紅棗糕，蛋散、叉燒餐包、燒賣，蝦餃，蝦腸同埋乾蒸牛肉！原來仲有鹹水角唔知點解感覺上好似種類唔係太多 （其實總共都有成10款點心😅原則上我唔食茶樓嗰啲正宗燒賣（淨係鍾意食假燒賣😂）都勉強夾咗一粒，因為四粒啱啱好。鵪鶉蛋燒賣就可以逃過一劫（淨係幫手食咗粒鵪鶉蛋）其實好多款平時都唔會特別叫叉燒餐包會選擇正宗叉燒包。會主動叫嘅都應該剩係得蝦餃😅整體都係普通啦，不過美心出名貴，所以其實都冇乜特別好講。好彩公司派咗啲coupon。😂…查看更多

之前約母親節食飯約好晒，到頭來都係因為小朋友病咗唔齊人 今晚無啦啦玩即興又無啦啦齊人咗又係為咗小朋友要食早啲，飯局由6:30開始一大棚人食到差唔多8:30點解揀呢度？因為最細最得寵嗰個話要食雞雞佢爹哋媽咪想食中菜（都啱佢嫲嫲嘅～）總共七大三小，我哋叫咗必點嘅咕嚕肉、蒸沙巴龍躉、冬瓜盅、龍蝦伊麵底、炒通菜、上湯菜心、貴妃雞同埋片皮鴨都知道美心集團啲嘢唔會平㗎啦，不過冇諗過會揀呢間食啫🤔埋單四個人分，每人五百幾 ，係阿媽預料之內嘅價錢（當然啦，有片皮鴨、冬瓜盅、龍躉同埋龍蝦伊麵，全部都唔會平，仲要星期日紅日通常都冇特價菜式）要讚一讚落單個侍應姐姐，佢好努力咁游說我哋叫某一啲餐牌上面嘅套餐會抵啲，不過奈何大家唔啱食。原先話主餐牌嘅AE卡會有折，點知埋單原來係某一張卡先有😪最終只係用到嗰幾張餐飲券，coupon平咗$200其實全部菜式都冇乜特別好驚艶，係個龍蝦伊麵，個伊麵底，唔似平時嗰啲咁多芡汁醬，我鍾意食啲乾爽啲嘅仲要俾我諗到加啲蔥油落去撈埋一齊食，原來唔錯喎）最慘烈係個通菜煲，無人問津 太油膩一歲多啲嘅小朋友已經可以食雞，真係厲害👍🏻唔明點解阿媽堅持要嗌冬瓜盅，雖然係好清爽，亦都係好難雕花嘅冬瓜盅～#題外話，係咁啱隔籬張枱坐咗五個大人，可能張枱黐得太埋啦，我哋呢台又小朋友多成日行出行入個位，可能教完中唔小心撞到佢哋某個人個椅背，結果佢哋成枱人一齊用好凌厲嘅眼神厲住我哋😮‍💨唯有自己諗辦法囉，將張枱拉過啲啲…查看更多