彩福皇宴 (已結業)

一般都好少揀連鎖式嘅酒樓食晚飯，但今日同媽媽行完街，就隨意搵間酒樓食個小菜。一坐低，已經有好多個唔同嘅餐牌，選擇真係好多！有啲小菜仲係平時比較少聽嘅添。但同媽媽商討後，決定先叫個片皮鴨黎食。之前我哋都係其他酒樓食過，但比較油膩；而呢間不單止唔會俾人一種肥膩嘅感覺，皮仲好脆，肉都好有鴨香！之後我哋叫咗半隻南乳脆皮雞，雞肉好嫩滑，$68好抵！最後叫咗個櫻花蝦海鮮炒飯，估唔到我媽媽最欣賞呢個飯！因為佢話完全係色香味俱全，好清香，而且啲飯炒到粒粒分明。