影片
更多
2022-10-28
251 瀏覽
一位難求嘅 𝘣𝘭𝘶𝘩𝘰𝘶𝘴𝘦 啱啱開業就瞬間爆滿，聽聞已經預約緊兩個月後嘅日子啦 😳 酒店招牌大理石檯配藤織木椅，法式復古裝潢設計別致，幾個女仔影相啱晒 📸餐廳雖位於 𝘙𝘰𝘴𝘦𝘸𝘰𝘰𝘥 Hotel 內，收費則相對親民，主菜價格由 $250~$350 不等，氣氛輕鬆比一般嘅酒店餐廳少咗份拘謹，同朋友對住個海景傾到唔願走 👯♀ 菜餚以 𝘍𝘰𝘰𝘥 𝘊𝘰𝘶𝘳𝘵 形式展示，玻璃櫃陳列出各款沙律、薄餅、甜品，可以先繞場一周再作決定 ( 欣賞 🫱🏼🫲🏽 )細聲講…其實本來無咩期望，但食物水準又唔錯喎！🤣⋄ 𝘋𝘪𝘢𝘷𝘰𝘭𝘢 𝘗𝘪𝘻𝘻𝘢 | $98又香又辣嘅 𝘕𝘥𝘶𝘫𝘢 意式辣肉腸加上牛乳製 𝘈𝘨𝘦𝘳𝘰𝘭𝘢 𝘊𝘩𝘦𝘦𝘴𝘦，批底鬆軟水分充足，係我鍾意嘅口感 🍕 𝘋𝘪𝘢𝘷𝘰𝘭𝘢 於意大利文中係「魔鬼」，惹味嘅 𝘗𝘪𝘻𝘻𝘢 的確令人抵擋唔住誘惑 👻⋄ 𝘙𝘪𝘨𝘢𝘵𝘰𝘯𝘪 𝘈𝘭𝘭𝘢 𝘊𝘢𝘳𝘣𝘰𝘯𝘢𝘳𝘢 | $230非常傳統嘅卡邦尼，不加入任何忌廉，而係用蛋黃同意大利羊奶芝士打成濃厚蛋汁 🍳 粗管麵剛好 𝘈𝘭 𝘥𝘦𝘯𝘵𝘦，利用意粉一出鍋嘅熱力拌勻至半熟狀態，一啲都唔膩口，配上粒粒風乾豬面頰肉，肉厚鹹香風味十足
餐廳雖位於 𝘙𝘰𝘴𝘦𝘸𝘰𝘰𝘥 Hotel 內，收費則相對親民，主菜價格由 $250~$350 不等，氣氛輕鬆比一般嘅酒店餐廳少咗份拘謹，同朋友對住個海景傾到唔願走 👯♀ 菜餚以 𝘍𝘰𝘰𝘥 𝘊𝘰𝘶𝘳𝘵 形式展示，玻璃櫃陳列出各款沙律、薄餅、甜品，可以先繞場一周再作決定 ( 欣賞 🫱🏼🫲🏽 )
細聲講…其實本來無咩期望，但食物水準又唔錯喎！🤣
⋄ 𝘋𝘪𝘢𝘷𝘰𝘭𝘢 𝘗𝘪𝘻𝘻𝘢 | $98
又香又辣嘅 𝘕𝘥𝘶𝘫𝘢 意式辣肉腸加上牛乳製 𝘈𝘨𝘦𝘳𝘰𝘭𝘢 𝘊𝘩𝘦𝘦𝘴𝘦，批底鬆軟水分充足，係我鍾意嘅口感 🍕 𝘋𝘪𝘢𝘷𝘰𝘭𝘢 於意大利文中係「魔鬼」，惹味嘅 𝘗𝘪𝘻𝘻𝘢 的確令人抵擋唔住誘惑 👻
⋄ 𝘙𝘪𝘨𝘢𝘵𝘰𝘯𝘪 𝘈𝘭𝘭𝘢 𝘊𝘢𝘳𝘣𝘰𝘯𝘢𝘳𝘢 | $230
非常傳統嘅卡邦尼，不加入任何忌廉，而係用蛋黃同意大利羊奶芝士打成濃厚蛋汁 🍳 粗管麵剛好 𝘈𝘭 𝘥𝘦𝘯𝘵𝘦，利用意粉一出鍋嘅熱力拌勻至半熟狀態，一啲都唔膩口，配上粒粒風乾豬面頰肉，肉厚鹹香風味十足 🥓
⋄ 𝘈𝘳𝘪𝘤𝘤𝘪𝘢 𝘗𝘰𝘳𝘤𝘩𝘦𝘵𝘵𝘢 | $298
豬皮極致薄脆，賣相同味道似葡式烤乳豬 🍖 皮下脂肪相對較厚，但入口即溶肉質十分幼嫩，完全無騷味 😚 無骨食用方便，伴碟嘅薯塊綿密而脂香四溢 🥔
⋄ 𝘉𝘳𝘢𝘪𝘴𝘦𝘥 𝘖𝘤𝘵𝘰𝘱𝘶𝘴 | $368
烹調八爪魚需完美掌握時間及火候，稍有不慎就會煮得又老又韌，𝘉𝘭𝘶𝘏𝘰𝘶𝘴𝘦 以番茄、黑橄欖及紅酒燉煮八爪魚腿，口感柔軟而不失彈性，味道飽滿香濃，充滿地中海風情，𝘊𝘩𝘦𝘦𝘳𝘴！🥂
⋄ 𝘛𝘪𝘳𝘢𝘮𝘪𝘴𝘶 $98 | 𝘊𝘩𝘰𝘤𝘰 𝘏𝘢𝘻𝘦𝘭𝘯𝘶𝘵 𝘊𝘢𝘯𝘯𝘰𝘭𝘪 $50 | É𝘤𝘭𝘢𝘪𝘳 𝘊𝘰𝘧𝘧𝘦𝘦 $50
相信嚟食 𝘉𝘭𝘶𝘏𝘰𝘶𝘴𝘦 好多時都會被 $188 四款甜品所吸引 🍮 但係要留意返呢個 𝘚𝘦𝘵 只限陳列出嚟嘅 𝘔𝘪𝘯𝘪 𝘗𝘢𝘴𝘵𝘳𝘺，𝘛𝘪𝘳𝘢𝘮𝘪𝘴𝘶 不包括在內。一向熱愛 𝘛𝘪𝘳𝘢𝘮𝘪𝘴𝘶 嘅酒香，芝士細滑咖啡同酒都夠濃郁，算係水準之上 ☕；
𝘊𝘢𝘯𝘯𝘰𝘭𝘪 喺卷中加入滑溜榛子朱古力 𝘍𝘪𝘭𝘭𝘪𝘯𝘨，微甘可可加埋烘過嘅果仁絕無出錯 🍫 雖然外層用酥皮唔太正宗，但係我本身麻麻哋 𝘊𝘢𝘯𝘯𝘰𝘭𝘪 嘅質感，正中下懷 🤪；香港少有嘅閃電泡芙，見到一定要嗌嚟試吓，但同預料中一樣，味道不過不失。
💰 ~$500 𝘱.𝘱
📍 𝘉𝘭𝘶𝘏𝘰𝘶𝘴𝘦
香港尖沙咀梳士巴利道 18 號香港瑰麗酒店地下
*餐廳 9 月時未有酒牌，客人可自備酒水，不另收開瓶費。
張貼
