影片
更多
2022-06-10
91 瀏覽
今晚來太和探朋友同食飯，選左呢間西餐小店，人氣都幾高，入面嘅座位大部份都係full booking。餐廳裝修以淺木色餐桌同白色圓形吊燈為主調，感覺簡潔明亮。晚市餐牌價錢合理，加$18有餐湯及是日飲品，店員仲會好主動推介菜式👍🏻是日餐湯：黑松露牛肝菌忌廉湯🥣賣相好吸引，忌廉拉花好靚😍，上碟已經聞到好香嘅黑松露同菇菌香味，味道和質地都好濃郁，仔細會望到打得好細緻嘅黑松露同牛肝菌粒粒，相信廚師係先將牛肝菌同黑松露炒香再放入攪拌機打勻，味道先會咁香咁濃郁，加入少量忌廉更creamy，飲完之後好暖胃又唔會好膩。Honey & Lemon Marinated Cherry Tomatoes🍋檸檬蜂蜜糖潰蕃茄🍅擺碟好靚，藍白色漸層嘅碟襯托紅色的蕃茄形成鮮明嘅對比，蕃茄仔已經剝咗皮，令佢可以充分吸收檸檬蜜糖的精華；廚師好細心只係刨咗檸檬皮，因為檸檬白色嘅部份會有苦澀味，只使用檸檬絲就可以帶出檸檬香味而唔會有苦澀味👍🏻，味道酸酸甜甜好開胃好refreshing ，食得出蜂蜜的清甜，蕃茄仔爆汁Juicy🤤，我連汁都唔放過，一滴不留飲哂🤣Grilled USA PRIME Hanger w/ Benedic
晚市餐牌價錢合理，加$18有餐湯及是日飲品，店員仲會好主動推介菜式👍🏻
是日餐湯：黑松露牛肝菌忌廉湯🥣
賣相好吸引，忌廉拉花好靚😍，上碟已經聞到好香嘅黑松露同菇菌香味，味道和質地都好濃郁，仔細會望到打得好細緻嘅黑松露同牛肝菌粒粒，相信廚師係先將牛肝菌同黑松露炒香再放入攪拌機打勻，味道先會咁香咁濃郁，加入少量忌廉更creamy，飲完之後好暖胃又唔會好膩。
黑松露牛肝菌忌廉湯
6 瀏覽
0 讚好
0 留言
黑松露牛肝菌忌廉湯
6 瀏覽
0 讚好
0 留言
Honey & Lemon Marinated Cherry Tomatoes
🍋檸檬蜂蜜糖潰蕃茄🍅
擺碟好靚，藍白色漸層嘅碟襯托紅色的蕃茄形成鮮明嘅對比，蕃茄仔已經剝咗皮，令佢可以充分吸收檸檬蜜糖的精華；廚師好細心只係刨咗檸檬皮，因為檸檬白色嘅部份會有苦澀味，只使用檸檬絲就可以帶出檸檬香味而唔會有苦澀味👍🏻，味道酸酸甜甜好開胃好refreshing ，食得出蜂蜜的清甜，蕃茄仔爆汁Juicy🤤，我連汁都唔放過，一滴不留飲哂🤣
檸檬蜂蜜糖潰蕃茄
$38
9 瀏覽
0 讚好
0 留言
檸檬蜂蜜糖潰蕃茄
$38
4 瀏覽
0 讚好
0 留言
Grilled USA PRIME Hanger w/ Benedict sauce
🐮香烤美國Prime封門柳配班尼迪汁
呢個係五成熟，就咁睇份量好似唔係好多，但原來係疊起咗，總共有成十塊咁多，塊塊都好厚肉，🤩入口牛香味道好香濃，肉汁慢慢滲出，外皮加咗少少黑椒同鹽去調味，再加上酸酸地既班尼迪汁帶出牛肉嘅鮮味；封門柳呢個部位非常珍貴，肉質非常細嫩軟熟😋，呢個價錢好抵食；配菜都十分出色，翠玉瓜香煎後好爽脆鮮甜，底下嘅薯蓉份量都幾多，吸收左牛肉嘅肉汁同油分，食落隱約有少少甜味和油香味，而且廚師係幼滑嘅薯蓉之中特意加咗薯仔粒，令整體口感更豐富，十分推薦👍🏻👍🏻👍🏻
香烤美國Prime封門柳配班尼迪汁
$268
5 瀏覽
0 讚好
0 留言
香烤美國Prime封門柳配班尼迪汁
$268
11 瀏覽
0 讚好
0 留言
Scallop Risotto w/ Lobster Sauce
香煎刺身帶子龍蝦汁意大利飯
賣相好吸引，金黃色嘅龍蝦汁意大利飯上面放咗香煎帶子，再加上白色嘅芝士碎好似落雪咁嘅效果🌨帶子厚肉鮮味，肉質爽口細緻，加咗黑椒和鹽調味，用牛油香煎，香味濃郁不過略鹹咗少少，龍蝦汁意大利飯口感略為硬咗少少，不過入口香味濃郁，就好似飲緊龍蝦湯咁，淡淡飯都包滿醬汁好香濃😋
香煎刺身帶子龍蝦汁意大利飯
$188
7 瀏覽
0 讚好
0 留言
Fresh Strawberry yogurt and milk
🍓農場草莓乳酪明治牛奶🥛
奶味超級香濃，入口幼滑，士多啤梨味好香，上面放咗士多啤梨脆粒，底下亦有士多啤梨果肉，呢個夢幻嘅粉紅色真係好靚💕怪唔得每一個女客人都會點💗
農場草莓乳酪明治牛奶
$46
16 瀏覽
0 讚好
0 留言
Japanese hojicha milk
小山園日式焙茶🍵
層次分明，上面係奶泡，下面係日式焙茶，茶味香濃，飲得出高溫烘焙嘅香味，配上奶泡質感幼滑👍🏻
小山園日式焙茶
$48
4 瀏覽
0 讚好
0 留言
整體而言，食物質素非常高，無論喺賣相擺碟同味道都接近高級餐廳嘅質素；唯一缺點係地方淺窄，為咗彌補地方嘅限制，服務相當貼心，廚師同服務員會因應客人食嘢嘅速度上菜，亦會主動向客人收集意見，真心推薦大家去食。
張貼
