Polaris

上個月同朋友約咗係大埔小店Polaris食晚餐，發現原來新界東有間咁高質嘅小店🥹前幾日趁星期五放工又再次由港島遠征到大埔，為咗美食，來回兩小時係值得！黑松露牛肝菌蘑菇湯 $48————————————黑松露同牛肝菌嘅味道都非常香濃，啖啖蘑菇顆粒感，超足料。店員送上去皮嘅凍蕃茄仔比我哋Refresh吓口腔，酸酸甜甜嘅味道，每粒都非常多汁，非常開胃！炙燒開心果奶蓋綠妍 $48————————————個奶蓋勁出色，薄薄一層炙燒增添咗香口嘅感覺，開心果味好濃郁，同時又唔會太甜，奶蓋勁厚，超柔滑超綿密，配上清新嘅綠妍🍵個配搭好正。農場草莓乳酪明治牛奶 $48————————————好多士多啤梨肉🍓甜甜一杯好易入口，好有少女心💕蘋果木煙燻日本章魚•蒜蓉蛋黃醬 $88————————————墊底嘅墨汁薯蓉超有驚喜，除咗入口超香之外，口感既順滑又超綿密。再配上刁草同埋蒜蓉蛋黃醬，層次更加豐富，再加上小蕃茄解膩，章魚有少許Smokey感，口感彈牙🐙雖然主角係章魚，但其他配料都非常出色，整個配搭都非常有誠意。油甘魚刺身•秘製奶油汁•刁草油 $88————————————油甘魚刺身味道清爽，肉質較厚實🐟配上餐廳自家製嘅秘製Cream sauce同松子仁青醬，加上紅椒粉、刁草、刁草油，既精緻又能帶出刺身嘅鮮味。虎蝦北海道帶子龍蝦汁扁意粉 $138————————————份量好大🍝虎蝦同帶子都煎得好香，龍蝦汁非常濃郁，扁意粉好掛汁。48小時慢煮美國黑毛安格斯牛小排•烤雜菜•紅酒燒汁 $298————————————慢煮可以減少烹煮時嘅水份流失，保留食物嘅原汁原味，牛小排肉質軟腍，同時保持到肉質juicy。餐廳嘅紅酒燒汁用咗大量牛尾骨同蔬菜熬製兩日兩夜，非常用心，紅酒汁配牛肉真係好適合。莓之戀人 $98————————————好似座山咁大嘅甜品⛰️雞蛋仔係即叫即整新鮮出爐！配上Berries🫐仲有雪糕🍦自家製提拉米蘇 +$48————————————惠顧Main course, Pasta等等，就可以優惠價$48享用餐廳自家製Tiramisu，每一口都口感軟滑細膩，好Creamy！…查看更多

Polaris價錢: $88-108好味程度: 4.3/5服務🍴: 3.7/5環境🗾: 3.7/5性價比🥢: 4.3/5回頭率😚: 4.3/5-其中一間想再去再去的意粉cafe一定係佢！佢哋裝修完之後地方更舒服，cozy左，假日有時都要等位，幾多人幫襯的！同埋有時睇佢哋社交平台見到好多醬汁/ 改肉都好有心自己做，值得支持。呢期仲有卷卷意粉添！-✅✅冬陰功海鮮扁意粉。呢個醬汁質地比較稀，水水的，意粉未能完全掛得起，但係一齊食嘅時候會吸埋啲冬陰功汁，味道好夠，因為佢夠酸夠辣，仲係有後勁的辣🤩好開胃，令人想不斷食。意粉質地都煮得啱啱好。魷魚、蝦同埋青口都煎得金黃焦香，好食😋-✅牛油魷魚海鮮意大利飯。好少接觸呢個味嘅意大利飯，主要味道都係嚟自牛油，所以真係會有啲漏🤣味道比起冬陰功偏淡好多，食到濃郁嘅油香充分包住每一粒飯🧐飯粒主到透曬，又唔會太一patpat。海鮮特別地用咗完隻墨魚，口感唔韌，糯糯的🤓-✅BBQ手撕豬酸種麵包。酸種麵包一如既往比較硬身，但係切開埋egg benedict，蛋汁流出，加埋索滿BBQ汁嘅手撕豬，成個口感唔會太乾/硬😚我鍾意佢哋嘅手撕豬真係撕得好幼細，落咗好多汁去煮，好濃味，仲食到有啲炒到好軟身帶甜味嘅洋蔥🧅-佢哋除咗好食，性價比都幾高，比市區嘅cafe真係平啲🥳超級推介大家！…查看更多

🍳 三文魚酸種麵包水波蛋Benedict一上枱已經睇到流口水！水波蛋輕輕一篤，蛋黃即時湧出嚟，撈埋荷蘭醬同煙三文魚一齊食，鹹香滑溜三重口感超正～底層嘅酸種麵包烘到脆身，咬落有嚼勁，完全唔會被醬汁浸淋，整體配搭完美💯！🍰 芝士巴斯克蛋糕外表焦黑帶炭香，切開中間係微微流心嘅軟心狀態！芝士味濃郁到爆燈，口感細滑得嚟又唔膩，餅底脆脆哋，甜度控制得剛剛好，食完一件即刻想encore！✨ 整體評價：◾️ Benedict醬汁同蛋黃流心效果滿分◾️ 巴斯克蛋糕水準拍得住專賣店◾️ 環境舒服適合慢食歎咖啡◾️ 人均$200左右，質素對板會再訪！#POLARIS #Eggs Benedict #巴斯克蛋糕 #香港咖啡店 #Brunch推薦 🥯☕️…查看更多

在太和經過在太和經過這間餐廳，原來同一條街都結業不少了，看門面覺得還可以所以就進去。時間是下午5點30分，竟然已經結束下午茶，並進入了晚飯時段，這是非常感到意外的。就叫了一下意粉和意大利飯，都是標準輸出，黑松露味道滿滿的。我們都叫了冰的蜂蜜檸檬，甜度適合，並不過份。就人均一百多元，覺得在大埔區並不對性價比。另外這次豐富是剛剛換了新菜單，菜單是用a4紙彩色噴墨列印的，也算是能夠接受吧。我猜下午茶時段才稍有競爭力，其他時段就不建議到來了。…查看更多

大約中午12點黎到直入唔洗排，今次特登早啲過黎食，因為上次下午1點幾2點黎到要排隊。 呢間出品質素唔錯既cafe係值得再次支持，今次係第二次黎食。呢碟48小時慢煮牛小排係我最鐘意食！肉質軟嫩得黎一啲都唔柴，濃郁嘅牛肉香同汁液完美融合，配埋個底有滑嫩薯蓉同翠玉瓜，口感層次好豐富。個醬汁調味亦恰到好處，唔係死咸，食落好滿足，係一道用心嘅高質菜式！強烈推介！呢個明太子芝士忌廉大蝦扁意粉，忌廉醬滑溜，明太子帶出海味，蝦肉係用急凍，但佢個意粉煮得岩岩熟口感軟硬十分好，配上香草增添清新感，唯一可以改善係意粉份量可以多啲。薯條係正常發揮，現炸的。…查看更多

「食物質素」叫左Today Special嘅芝士菠菜無骨雞脾薯蓉雜菜，同慢煮牛番茄燴飯味道濃郁每個主食都係熱辣辣送上擺盤都好睇好可以打卡如果點嘅餐係需要等耐啲店員有提早講定有心理準備嘅無骨雞脾等左半個鐘多啲好食值得等「服務質素」店員友善有收服務費有餐湯送、水公眾假期下晝1點幾都排緊隊好在餐廳肯比食客舖內走廊附近探冷氣唔洗出面等得熱「洗費」每個人埋單$400，好食所以值得花錢、等待美食送上「環境清潔」每次客人走都會消毒清潔可放心下次再食其他，相信都係用心之作…查看更多

太和中心有幾間西餐小店，今個weekend就揀左Polaris😋白色簡約既裝修，好適合食brunch既心情海鮮冬蔭忌廉意大利粉意粉吸哂冬蔭功汁好好食，海鮮亦都比得大方，份量食落比想像中多墨汁海鮮意大利粉墨汁唔太杰，但好有鮮味，海鮮煎香左，撈埋三文魚籽更加吊起左鮮味Tiramisu幾有酒香，可以一試員工雖然好忙，但服務態度都唔錯，但小店廚房出品都要預番d時間慢慢上菜，但難得放假食個brunch都唔好咁趕頭趕命，好好享受啦☺️…查看更多

明白下晝午市多人，但係服務生安排位置上面真係有啲失望同冇禮貌到咗喺門口等位，見到入面係有位嘅，不過明白下晝多人要時間處理，咁我就等啦，我兩位。本身執緊枱到我㗎啦，我睇住嗰張枱係俾我嘅，跟住有三個一家大細入嚟，結果即刻安排咗佢哋三個入座先，我都呆咗。要我哋喺外面仲等緊，我唔提醒都唔安排返座位俾我入，誰不知安排一張勁窄嘅座位俾我，亦都冇任何解釋，過程十分不愉快。…查看更多

服務態度好好 當日店內人手不足店員都好好耐性 好用心服侍每枱客豬肋骨好入味 煮到好入味 肉質好腍份量好足料 男人胃口都食唔晒🤭貓耳朵意粉🍝值得推薦入口啖啖都夠醬汁 好juicy 唔系間間cafe 都有呢道菜式所以我見到即嗌果然無令我失望😍餐湯真材實料，聽講餐湯係會每日唔同連假日都有套餐嗌 抵 ！值得試嘅一間小店！…查看更多

bookmark咗呢間一段時間，平日lunch去都好滿好多人🫣🍝 ||虎蝦北海道帶子紅蝦油龍蝦汁手工意粉 $128||見到呢個係定價最高嘅麵/飯，超級期待，的確成個汁嘅base都有啲海鮮碎，幾鮮甜嘅～ 意粉係圓正常-粗身，都掛汁同埋有咬口但可能個人比較幼身&creamy嘅麵，所以就覺得冇特別驚喜另外見到啲餸有炙燒過不錯，但得一隻虎蝦&帶子有點失望🥹 係好味不過cp值一般～🍖 ||慢煮加拿大保濕豬鞍+無花果醬 烤雜菜 $168||呢個慢煮豬真係好出色！質感好嫩同時超入味！烤薯仔好香鹹甜味，都有烤翠肉瓜同埋菇，係有驚喜嘅豬排～不過無瓜果醬又真係唔係好食得出🤣開心果奶蓋綠茶 $46（叫套餐可以-$10）見到menu嘅第一秒已經被插圖吸引😍 奶蓋偏甜但好濃開心果奶香，面頭仲有開心果碎，好似食甜品咁😂 茶底係無糖綠茶幾解膩嘅！不過如果多啲茶會接渴啲🤣📢📢📢需要加一服務費見到有人都會帶macbook來做嘢，但其實都幾逼，建議想做嘢嘅人下午茶先來🤣 呢度staff都友善啊～經過會再encore～🫶🏻…查看更多

夜晚食，唔算太多人，等咗差唔多半個鐘先出到餐，見到後過我落單嘅外賣都快過我出餐。話係蟹肉蝦膏貓耳粉，要蟹肉又食唔到蟹肉，要蝦膏但又唔見有蝦膏色同蝦膏味，真係想報海關投訴😡不過味道唔算差，以咁嘅價錢，我覺得性價比低☹️…查看更多

今次係第三次食第一次食左慢煮豬鞍？？（唔記得咗個名）食完封左呢間野做全大埔最好食西餐廳！之後一直心心念念想encore食第二次encore 返同一個餐都覺得好好味嗰陣龍蝦有特價，加咗半邊食覺得都ok今次第三次再帶朋友嚟想叫返第一二次食個餐但係唔記得咗叫咩名淨係記得慢煮豬，但佢慢煮豬有兩款我是但撞叫左平啲嘅嗰個點知就賴左野慢煮豬肉眼上到碟好似三成熟嘅牛咁切開啲血仲流緊出嚟真係唔敢食🥹🥹朋友夾硬食咗一啖，但係chew唔到吞唔落同咗侍應講佢哋話慢煮豬係咁，我真係缺乏知識唔知道係咪真係可以照食，最後都係決定叫佢煮到全熟先再攞出嚟，然後前後加埋等咗大半個鐘先食得🥲🥲🥲已經喺餓度暈嘅狀態，但係都覺得好難食🥲唔知係咪因為返煮又鞋又硬😢海鮮燴飯安全有水準👍好彩叫左2款有1樣都係好食🥲應該會再嚟嘅下次一定要食貴啲嗰隻慢煮豬！🥹🥲…查看更多

去到太和個頭冇咩好食經過見到呢一間有lunch set好似幾吸引 午市要加一每個set都包餐湯同飲品是日餐湯係番茄忌廉湯一入口忌廉味較重 之後就開始酸味還好 飲品叫左熱蜂蜜檸檬 正常意式培根芝士奶油蛋黃貓耳朵 ($86)醬汁唔算好濃郁 不過貓耳朵都幾煙靭另外煙肉到幾香口 不過就比較Heavy食落有少少漏 好飽🥱天使紅蝦自家製紅蝦汁海鮮燴飯 ($86)個飯煮得有少少似risotto 都幾香蝦味 除咗面有一隻蝦之外入面都有一粒粒蝦肉又唔會好creamy 食落唔會覺得滯呢一個都幾好食👍🏼…查看更多

麻辣雞肉意粉意粉足料，麻辣辣度大約有四小辣，味道十分惹味，價錢亦不貴自家製紅蝦汁海鮮飯紅蝦汁香濃，蝦肉亦都有好多粒，而且擺盤好靚。中午套餐包飲品同湯，如果想叫特色飲品就正價減$10。叫左杯蜂蜜檸檬同焙茶鮮奶，味道不錯…查看更多

第一次食，餐廳坐無虛席，而且見有好多都係熟客佢地都係點咗保濕豬鞍，好厚身，下次可以試試餐廳唔大，不過坐位都OK唔算逼Order咗個benedict手撕豬酸種麵包，及麻辣雞意粉首先上咗個蕃茄湯，好飲手撕豬賣相可觀味道方面，有隻蛋較為熟而手撕豬，口感有啲似煲湯既豬𦟌，汁還好麵包脆口，正常麻辣雞意粉，有幾條辣椒係面，感覺好fusion食落好似去咗四川咁，真係麻辣，都幾辣建議menu隔離加多幾條辣椒意粉質地唔錯，個人中意意粉偏硬身而雞肉正常成個意粉嫌佢底下太多汁水，如果炒到成個乾身，就好…查看更多