Polaris

上個月同朋友約咗係大埔小店Polaris食晚餐，發現原來新界東有間咁高質嘅小店🥹前幾日趁星期五放工又再次由港島遠征到大埔，為咗美食，來回兩小時係值得！黑松露牛肝菌蘑菇湯 $48————————————黑松露同牛肝菌嘅味道都非常香濃，啖啖蘑菇顆粒感，超足料。店員送上去皮嘅凍蕃茄仔比我哋Refresh吓口腔，酸酸甜甜嘅味道，每粒都非常多汁，非常開胃！炙燒開心果奶蓋綠妍 $48————————————個奶蓋勁出色，薄薄一層炙燒增添咗香口嘅感覺，開心果味好濃郁，同時又唔會太甜，奶蓋勁厚，超柔滑超綿密，配上清新嘅綠妍🍵個配搭好正。農場草莓乳酪明治牛奶 $48————————————好多士多啤梨肉🍓甜甜一杯好易入口，好有少女心💕蘋果木煙燻日本章魚•蒜蓉蛋黃醬 $88————————————墊底嘅墨汁薯蓉超有驚喜，除咗入口超香之外，口感既順滑又超綿密。再配上刁草同埋蒜蓉蛋黃醬，層次更加豐富，再加上小蕃茄解膩，章魚有少許Smokey感，口感彈牙🐙雖然主角係章魚，但其他配料都非常出色，整個配搭都非常有誠意。油甘魚刺身•秘製奶油汁•刁草油 $88————————————油甘魚刺身味道清爽，肉質較厚實🐟配上餐廳自家製嘅秘製Cream sauce同松子仁青醬，加上紅椒粉、刁草、刁草油，既精緻又能帶出刺身嘅鮮味。虎蝦北海道帶子龍蝦汁扁意粉 $138————————————份量好大🍝虎蝦同帶子都煎得好香，龍蝦汁非常濃郁，扁意粉好掛汁。48小時慢煮美國黑毛安格斯牛小排•烤雜菜•紅酒燒汁 $298————————————慢煮可以減少烹煮時嘅水份流失，保留食物嘅原汁原味，牛小排肉質軟腍，同時保持到肉質juicy。餐廳嘅紅酒燒汁用咗大量牛尾骨同蔬菜熬製兩日兩夜，非常用心，紅酒汁配牛肉真係好適合。莓之戀人 $98————————————好似座山咁大嘅甜品⛰️雞蛋仔係即叫即整新鮮出爐！配上Berries🫐仲有雪糕🍦自家製提拉米蘇 +$48————————————惠顧Main course, Pasta等等，就可以優惠價$48享用餐廳自家製Tiramisu，每一口都口感軟滑細膩，好Creamy！…查看更多

約同事食個便飯，但佢又唔想離開自己屋企個區，唯有就下啦，之前上網見過呢間cafe好似幾好食，一致決定去Polaris😀😀明太子芝士忌廉大蝦扁意粉🦐大蝦新鮮彈牙，有煎香過，唔係齋白灼，明太子芝士忌廉其實調味係發揮正常，出面好多都好單一味道，呢個算ok，不過另外2碟更好食，顯得呢個遜色左牛肝菌黑松露蘑菇卷卷意粉第一次食卷卷意粉，公仔麵嘅煙韌版，更掛汁，好濃味，明明只係素，但係好食嘅程度可以同有肉嘅媲美，望落好似有d稀，但味道完全無影響，反而我唔洗擔心會唔夠醬，呢碟根本就黑松露同菇嘅舞台😝😝蠔肉馬斯卡彭芝士菠菜燴飯🦪蠔肉滑嫩，稍稍切細，燴飯濃稠度剛好，無變成糊狀，開頭以為只係普通野，點知中間嘅芝士神來之筆，如果用濃味芝士會令到碟飯好膩，但佢淡淡嘅芝士同順滑嘅質感提升左碟飯一個層次，蠔肉令佢多左d海鮮嘅鮮味，其實齋食飯嘅時候都好好食🤭🤭黑松露醬炸薯條🍟黑松露醬同茄汁用小兜仔裝，齊整又方便蘸，黑松露醬濃稠好香，唔夠蘸啊😂😂班友仔一撩就無左一忽🙃🙃連茄汁我都覺得好食，甜度都幾出。薯條炸到金黃，酥脆內軟，份量都好多Tiramisu大人版tiramisu，酒精濃度比較高，唔算好甜，咖啡味可以再重d，整體都creamy莓之戀人🍓雞蛋仔疊成小山丘，雞蛋仔做得出色，外皮脆口，中間半空心半餡，質感一流，都有蛋香，中間頂層有奶香絲滑嘅cream同下層有vanilla雪糕，再淋上草莓醬、加鮮草莓同藍莓，酸酸甜甜，作為今餐完美嘅終結炙燒開心果奶蓋綠妍茶底清香，開心果奶蓋偏甜for你攪拌均勻飲用，，炙燒唔會好明顯，只係脆左少少，不過攪完之後基本無分別😅😅😅，整體係ok嘅特濃朱古力🍫據飲嘅人描述: 濃、好甜 （做埋驚喜表情）😂😂我目測有d似髒髒杯feel農場草莓乳酪明治牛奶🍓🥛Normal，唔會好甜，少少嘅乳酸味，end…查看更多

住係大埔，搵下大埔區有咩好食既餐廳岩岩開門沒幾耐所以唔需要等位 😬樣樣都好好食意粉質感恰到好處，係Al dente既味道同賣相都好好 （唔記得影相😂）冬陰公個辣勁唔會搶跟餐加既蜜糖檸檬水好滋潤（佢係混合好既版本，唔需要自己篤檸檬；唔太甜果度好）Tiramisu 係我食過無數 Tiramisu 排第一，第二黎👍一定會返黎食，介紹屋企人，朋友食😋比個Like!…查看更多

呢間餐廳其實已經食過好多次，以前朋友介紹先知，堂食位置唔多，可以話有啲迫，勝在用嚟打卡，所以我通常都係叫外賣，人均都係一百幾左右，太和嚟講價錢算中上，呢條街多餐廳都多選擇，個人比較鍾意食佢哋嘅意粉同甜品，記得上次扭紋粉比較驚喜，咬口十足。甜品嚟講，特別推薦tiramisu，酒香味好重，每次幾乎都會叫，希望keep到水準第一次叫呢款，不過大啡菇今次有少少苦味，口感ok，黑松露味幾濃，整體可接受。另外，佢地嘅意粉值得一試…查看更多

平日放假11:30am去到餐廳，成為第一個客人，但因為我比較趕時間坐低就即刻叫餐⋯⋯每15分鐘就問一次出餐進度，但服務員竟然同返我講話廚師叫佢唔好催都幾明顯係佢11:30am都仲備料中，見到有啲員工比我仲遲先到⋯⋯成間餐廳完全未ready開店⋯⋯其實未準備好都唔緊要，但落單又冇同我講過要比較長嘅等候時間⋯⋯所以最後都被迫取消，今日放假打算chill chill但吃了一個空虛。依家去買個菠蘿包先填一填個胃…查看更多