唐坊火鍋私房菜

營業中

休息中

復活節後支持本地消費，去左「唐坊火鍋私房菜」打個邊爐。我地今次點左素食者都可以食用既靈芝蟲草花茶樹菇湯底，湯底融合了靈芝的濃郁、蟲草花的鮮美，以及茶樹菇的獨特菌香，既養生又清爽。值得一提既係店員係我地面前直接加左兩包靈芝粉落湯底，可以提升每一口的風味。手切封門柳，切片均勻且厚薄適中，入口鮮嫩多汁，油花分佈恰到好處。搭配靈芝湯底，口感細膩。三寶丸係火鍋的經典搭配，蝦丸、牛肉丸和墨魚丸三種口味，彈牙有勁，層次豐富。香菇貢丸同樣爽口彈牙，並不是坊間平價貢丸。自製水餃拼九菜餃都非常值得一試。皮薄餡多，用料新鮮而且份量十足。紙豆腐係一款口感非常特別的食材，只需要拖一拖就得，吸收了湯底的精華，帶來驚喜。我地都係第一次嘗試呢個食材。最後仲有椰汁雪燕糖水送，本人作為椰汁愛好者十分十分欣賞!值得一提的是，唐坊火鍋提供網上訂座優惠，晚上9點前享88折，9點後則享8折。