南瀛水產

今日諗住同朋友慶祝所以黎左呢間食水產。我地8點半去到仲有好多人食緊，睇完餐牌都知呢間係偏貴，不過間唔中食一兩次姐。叫左兩杯野飲，不過最少都要$50左右一杯，然後就開始簡啲我地想食既野啦。叫左個五點盛，係有5種魚生，魚生好腍，入口即溶，唔錯！南瀛卷真係幾驚喜，係包住生菜既卷上面可以自己擺埋舌拿魚、海膽同埋三文魚子，好鮮甜同出面食既唔同。呢到一定要叫燒野，叫左條燒魚，佢有牛油味甜甜地，魚都好多汁，平時唔食魚既人都會鐘意食。一直想試燒蟹膏好耐，呢到甲羅燒加左蟹籽同埋蛋，雖然唔係好食到蛋味，不過蟹膏好好食又唔會太膩，一人一隻岩岩好。