影片
更多
2022-09-05
4507 瀏覽
今日去左荃灣愉景新城食一間新開既日本料理「三代目」分到張吧檯坐，睇得到廚房乾淨衛生裝修清潔舒服，店員既服務十分良好，未食就拎足印象分先 Menu 裡面前菜，小食，主食，飲品一應俱全，分量同質量都無得彈，兩個人都食到好飽 首先係兩款前菜，松露紋甲墨魚同佃煮小女子核桃作為頭盤，兩款都係以酸甜開胃為主 墨魚本身爽口彈牙，調味上心，伴碟既昆布青瓜亦都鮮味十足核桃甜脆可口，而且唔係乾噌噌咁上碟，仲有配特製醬汁同小魚乾淨係頭盤已經相當用心，基本上達到值得特登叫既小菜級數 小食方面叫左串燒拼盤同店員推薦既一口壽司串燒拼盤分別係京蔥雞肉，牛肉露筍同甜薯甜薯同牛肉露筍本身係平均水准以上，最值得一提既係京蔥雞肉雞肉睇起上黎普通，但食落外脆內嫩，無諗過方塊形既燒雞肉都可以睇得出師傅工夫 一口壽司造型獨特，兩件分別係吞拿魚同帶子，帶子大到遮住晒啲飯紫菜大塊到好似食緊手卷咁，食材足料鮮味，滿足度高如果有機會，值得試勻晒唔同口味既一口壽司 而主食叫左紫蘇燒豚梅肉拉麵同汁燒五花豚丼 拉麵麵底偏幼，韌力十足，相機食完之後都係咁彈牙湯頭係本店特色雙拼湯，食落似係豬骨湯同野菜湯混合，整體偏向豬骨風味，濃度合適，淨飲湯都唔
今日去左荃灣愉景新城食一間新開既日本料理「三代目」
分到張吧檯坐，睇得到廚房乾淨衛生
裝修清潔舒服，店員既服務十分良好，未食就拎足印象分先
Menu 裡面前菜，小食，主食，飲品一應俱全，分量同質量都無得彈，兩個人都食到好飽
首先係兩款前菜，松露紋甲墨魚同佃煮小女子核桃
作為頭盤，兩款都係以酸甜開胃為主
墨魚本身爽口彈牙，調味上心，伴碟既昆布青瓜亦都鮮味十足
核桃甜脆可口，而且唔係乾噌噌咁上碟，仲有配特製醬汁同小魚乾
淨係頭盤已經相當用心，基本上達到值得特登叫既小菜級數
小食方面叫左串燒拼盤同店員推薦既一口壽司串燒拼盤分別係京蔥雞肉，牛肉露筍同甜薯
甜薯同牛肉露筍本身係平均水准以上，最值得一提既係京蔥雞肉
雞肉睇起上黎普通，但食落外脆內嫩，無諗過方塊形既燒雞肉都可以睇得出師傅工夫
一口壽司造型獨特，兩件分別係吞拿魚同帶子，帶子大到遮住晒啲飯
紫菜大塊到好似食緊手卷咁，食材足料鮮味，滿足度高
如果有機會，值得試勻晒唔同口味既一口壽司
而主食叫左紫蘇燒豚梅肉拉麵同汁燒五花豚丼
拉麵麵底偏幼，韌力十足，相機食完之後都係咁彈牙湯頭係本店特色雙拼湯，食落似係豬骨湯同野菜湯混合，整體偏向豬骨風味，濃度合適，淨飲湯都唔會覺膩
豚梅肉係日式叉燒口感，肥瘦適中，肉質肥美厚質
汁燒五花豚丼第一啖食落有少少刺激，但好快就會覺得惹味
飯本身水準不差，單獨拎出黎同丼飯專門店都有得揮
五花腩睇落去無咩特色，但實際食落，外部焦香爽脆，內裡脂香四溢，配合有啲刺激既醬汁，係呢一餐入面最好既肉食
最後係兩款飲品，
淺蜜茱莉綠茶同沖繩黑糖牛乳珍珠烏龍，可以自選甜度冰量，兩杯都叫左少甜綠茶平和中正，同肉食有調和作用，食完大啖肉之後飲一啖即刻覺得又可以再食過
烏龍茶甜度適中，風味十足，裡面啲珍珠亦都彈牙可口
飲品係呢間店既試營項目，誠意滿分，值得單獨叫黎試
二人餐食出三人份量，雖然好飽，但已經開始諗緊下次黎叫D咩好
基本上每款食品都無令人失望，非常推薦！
張貼
