迎麵

營業中

休息中

我今日同老公經過荔枝角，見到呢間車仔麵好吸引咁，好方便！就係咁，我地就入去食左個lunch🌸幼麵（自家製韭菜餃+牛腩+牛根+魚肉春卷+瑞士汁雞翼+豬軟骨+振興牛丸）瑤柱金湯湯底好好味，飲得出係用真材實料熬製而成！我最鍾意就係食牛楠牛根、豬軟骨同埋自家製韭菜餃，牛楠牛根肉質軟腍！豬軟骨肥瘦適中，肉質軟嫩而且仲超入味！自家製韭菜餃皮薄餡靚，好足料，食到韭菜嘅鮮香味🌸米線（牛根+牛肺+花枝丸+豬油渣+冬菇+蘿蔔+墨魚丸）瑤柱金湯湯底配彈牙嘅米線真係好夾！老公最鍾意食嘅係花枝丸保留到花枝嘅原汁原味，紮實又彈牙，好味！牛肺都幾好味，唔係好多地方可以食到呢！豬油渣都唔錯，好脆而且好香🌸奶茶同埋手打檸茶都係自家製，味道唔錯呢餐廳環境舒適寬敞！要讚嘅係餐廳嘅店員，服務態度真係好友善，抵讚👍🏻整體食物質素都好高，性價比高，下次會再黎幫襯！